• March 29, 2024
  • Ang Diyaryong Pinagkakatiwalaan

PDu30, inaprubahan ang pondo para sa ayuda para sa 80% ng populasyon sa NCR

IBINALITA ni Senador Bong Go na inaprubahan na noong Lunes ni Pangulong Rodrigo Roa Duterte ang pondo para sa financial assistance na ipapamahagi sa mga kwalipikadong indibidwal sa National Capital Region (NCR) na inilagay sa ilalim ng Enhanced Community Quarantine (ECQ) mula Agosto 6 hanggang 20, 2021.

 

Nagkakahalaga aniya ito ng P1,000 kada kuwalipikadong indibiduwal na may maximum na P4,000 kada household.

 

Sinabi ni Go na sa pamamagitan ng ayudang ito ay matutulungan ng pamahalaan ang mga mahihirap na mamamayang Filipino na maitawid ang kanilang pamilya habang apektado ang kanilang kabuhayan dahil sa ECQ, lalo na ang mga daily wage earners at mga “isang kahig, isang tuka”.

 

Mahigit 13 milyon aniya ang populasyon sa NCR at 80% nito o mahigit 10.8 milyong indibidwal ang mabibigyan ng ayuda ayon sa DBM, NEDA, at iba pang mga ahensya.

 

“Dahil direktang ida-download ang mga pondo sa mga LGUs sa NCR, ang apela ko naman sa mga lokal na pamunuan ay siguraduhing maibibigay kaagad ang ayuda sa mga tamang benepisyaryo sa isang maayos, mabilis at ligtas na paraan na walang katiwalian,” ayon kay Go.

 

“Nagpapasalamat ako kay Pangulong Rodrigo Duterte sa pagtugon sa ating apela na magbigay ng ayuda sa mga pinakamahihirap na maaapektuhan ng ECQ sa NCR simula Agosto 6 hanggang 20,” dagdag na pahayag nito.

 

Sa kabilang dako, sinabi ni Go na magpapatupad ng ECQ sa NCR upang maagapan ang problema at maiwasan ang lalong pagkalat ng sakit.

 

“Kumbaga, nais nating patayin ang sunog bago ito maging “out of control”. Pero kasabay nito ay kailangan din nating maagapan ang hirap at maiwasan ang gutom sa ating mga komunidad,” ani Go.

 

At gaya aniya ng kanyang mga nasabi noon, magtiwala lamang ang lahat sa gobyerno dahil lahat naman ng hakbang nito ay ang pangunahing isinasaalang-alang ay ang buhay at kapakanan ng bawat Pilipino. (Daris Jose)

Other News
  • DILG sa mga LGUs:’Pagtibayin ang ordinansang nagbabawal sa pagbebenta ng mga gamot sa mga sari-sari stores’

    HINIMOK ni Interior and Local Government Secretary Eduardo Año ang mga local government units (LGUs) na pagtibayin ang ordinansang nagbabawal sa pagbebenta ng mga gamot sa mga sari sari stores.     Ito ay kasunod s paglaganao ng mga pekeng gamot sa mga maliliit na retail stores.     Inatasan din ni Sec Año ang […]

  • DTI, suportado ang muling pagbubukas ng mga gyms sa Kalakhang Maynila sa Setyembre 30

    SINABI ng Department of Trade and Industry (DTI) na suportado nito ang muling pagbubukas ng mga gyms sa Kalakhang Maynila pagkatapos ng Setyembre 30 o kahit pa manatili ang rehiyon sa ilalim ng COVID-19 alert 4.   Pinag-aaralan nang mabuti ng technical working group ang panukala ng DTI na lagyan ng cap ang indoor capacity […]

  • “IN THE HEIGHTS” REVEALS VIBRANT, ROUSING NEW TRAILER

    THE time has come to turn up the volume! Check out the new trailer of Warner Bros.’ “In the Heights” and watch the film soon in Philippine cinemas.   Facebook:  https://www.facebook.com/137782652917951/videos/254440376355048 Instagram:  https://www.instagram.com/tv/CMa2g6ZiHTa/ YouTube:  https://youtu.be/Q0TRzLgKjlI   About “In the Heights”   The creator of “Hamilton” and the director of “Crazy Rich Asians” invite you to […]