Pebrero 9, idineklarang special non-working day para sa Chinese New Year
- Published on January 23, 2024
- by @peoplesbalita
IDINEKLARA ni Pangulong Ferdinand R. Marcos Jr. na isang special non-working day sa buong bansa ang Pebrero 9, 2024 bilang pagdiriwang ng Chinese New Year.
Tinintahan ni Pangulong Marcos ang Proclamation 453 nito lamang Enero 18, nagdedeklara ng nationwide holiday para mabigyan ng pagakakataon ang mga Filipino na ipagdiwang ang Chinese New Year at i-enjoy ang mas mahabang weekend.
“The declaration of 09 February 2024, Friday, as an additional special non-working day throughout the country will give the people the full opportunity to celebrate the Chinese New Year and enable our countrymen to avail of the benefits of a longer weekend,” ang nakasaad sa proklamasyon.
Sa ilalim ng Proclamation 453, inatasan ang Department of Labor and Employment (DOLE) na magpalabas ng kaukulang circular para sa implementasyon ng proklamasyon para sa pribadong sektor.
Matatandaang noong, Oktubre 11, 2023, nagpalabas si Pangulong Marcos ng Proclamation 368, nagdedeklara sa Feb. 10, 2024, bilang special non-working day sa buong bansa para sa pagdiriwang ng Chinese New Year.
Ang Chinese New Year ay ang tradisyonal na pagdiriwang ng mga Tsino sa pagpasok ng bagong taon batay sa sinusundan nilang lunar calendar.
Sa Pilipinas, tinawag itong Chinese New Year kung saan dati’y ipinagdiriwang lamang ng mga Tsino-Pilipino at nakasentro sa Binondo, isa sa mga pinakalumang Chinatown sa bansa. (Daris Jose)
-
Van rental owner niratrat ng nakaalitan sa pustahan sa bilyar, todas
DUGUANG humandusay ang katawan ng 37-anyos na van rental owner matapos pagbabarilin ng ka-barangay na nakaalitan niya sa pustahan sa larong bilyar sa Caloocan City. Sa ulat nina P/SSg. Aldrin Mathew Matining at P/Cpl. Ariel Dela Cruz kay Caloocan police chief P/Col. Ruben Lacuesta, nagkaroon ng mainitang pagtatalo ang biktimang si alyas “ Mark”, ng […]
-
Vape Bill, tuluyan nang naging batas, kahit ‘di nilagdaan ng Pangulo
GANAP nang naging batas ang kontrobersiyal na Vaporized Nicotine and Non-Nicotine Products Regulation Act o mas kilala bilang Vape Bill. Ito’y kahit hindi nilagdaan ng Pangulong Ferdinand Marcos Jr. ang bill. Nagpaso na rin kasi ang kapangyarihan ng presidente na i-veto ito, matapos lumagpas sa isang buwan na hindi naaksyunan ang […]
-
Newly installed Army chief LtGen. Sobejana tiniyak walang sundalong aabuso sa Anti-Terror Law
Tiniyak ni newly-installed Philippine Army chief Lt Gen. Cirilito Sobejana na hindi maaabuso ang bagong batas na Anti-Terror Law of 2020 sa ilalim ng kaniyang pamumuno. Ito’y sa kabila ng pangamba ng mga kritiko na mismo ang mga tagapagpatupad ng batas ang aabuso dito. Ayon kay Sobejana habang siya ang commanding general ng […]