“Person of interest’ sa pagpatay kay Percy Lapid slay, nakita sa CCTV footage — Abalos
- Published on October 10, 2022
- by @peoplesbalita
UMAPELA si Department of the Interior and Local Government (DILG) Secretary Benjamin ‘Benhur’ Abalos Jr. sa publiko na magbigay ng impormasyon nang pagkakakilanlan ng ‘person of interest’ sa pagpaslang sa broadcaster na si Percival Mabasa, o mas kilala bilang Percy Lapid.
Nahagip kasi ng closed-circuit television (CCTV) footage ang imahe ng nasabing mga suspek.
Sa kasalukuyang pabuya na P1.5 million cash reward, nakiusap si Abalos sa publiko na kagyat na makipag-ugnayan sa Philippine National Police (PNP) kung mayroon silang nalalaman sa pagkakakilanlan at kung saan matatagpuan ang ‘killers’ ni Lapid.
Nauna rito, nag-presenta naman si Abalos ng blown-up photo ng naturang ‘person of interest’ sa Percy Lapid slay na makikita sa CCTV footage nang magsagawa ng public appeal ang Kalihim.
“Napakaimportante nito. Importanteng maidentify natin ang taong ito. Ito po siya, pinalaki natin ito. Kitang kita ang larawn niya, ang itsura niya at alam naman ninyo na tayo ay nagbigay ng reward P500,000, galing sa akin at P1 million galing kay Alex Lopez (anak ni dating Manila mayor Mel Lopez) at marami pang gustong tumulong,’’ ani Abalos.
Sinabihan naman ni Abalos ang ‘person of interest’ sa CCTV footage na sumuko na sa mga awtoridad o ilagay sa panganib ang kanyang kaligtasan dahil may opsyon ang mastermind na kumuha sa kanya para patahimikin siya lalo pa’t lantad na sa publiko ang kanyang imahe.
“Ang pinakamagandang gawin mo, sumuko ka at pabayaan mo magtake over na ang kapulisan dito at dahil dito inuulit ko, any information on this napakaimportante sa ngayon,” wika ng Kalihim.
Samantala, sinabi pa ni Abalos na wala ng mapupuntahan ang ‘person of interest’ dahil sa modern technology samahan pa ng pagsisikap ng mga police officers na matugis siya hindi lamang dito sa Kalakhang Maynila kundi maging sa kalapit na rehiyon.
“What I am talking about right now, it’s all regions in the Philippines. Kung saan man magtago ang taong ito nakakalat ito in social media. With the technology, lahat, every record. Hindi pa ‘yun, may NBI (National Bureau of Investigation) ka pa. Even, NBI itself is already investigating,” aniya pa rin.
Bukod sa puwersa ng kapulisan at modern technology, malaki rin aniya ang magagawa at tulong ng suporta mula sa publiko. (Daris Jose)
-
Pingris pasok sa Gilas coaching staff
BALIK GILAS Pilipinas si Marc Pingris para sa first window ng FIBA World Cup Qualifiers na idaraos sa Pebrero 24 hanggang 28 sa Smart Araneta Coliseum. Subalit hindi bilang player kundi bahagi ng coaching staff. Mismong ang Samahang Basketbol ng Pilipinas (SBP) na ang nagkumpirma na makakasama ni Gilas Pilipinas head […]
-
ALDEN, thankful na kabila ng pandemya ay tinatangkilik pa rin ang food chain; maraming natutuwa ‘pag nakikitang nagsi-serve
CONGRATULATIONS kay Asia’s Multimedia Star Alden Richards at sa kanyang staff ng food chain na Binan McDonalds na nag-celebrate ng ng second anniversary last Tuesday, April 27. Thankful si Alden na sa kabila ng pinagdaraanan nating pandemic, patuloy pa rin ang pagtangkilik ng mga customers sa kanila. Nagtayo kasi sila ng […]
-
Media security, “best done” sa pakikipag-ugnayan sa newsrooms-CHR
PINAALALAHANAN ng Commission on Human Rights (CHR) ang law enforcement agencies na tiyakin ang kaligtasan ng mga mamahayag sa pamamagitan ng “necessitates a careful balance in respecting individual and collective rights”. Sa isang kalatas, sinabi ng CHR na welcome sa kanila ang naging direktiba na ihinto at imbestigahan ang napaulat na “Unannounced police […]