Pinas, handa kay Mawar
- Published on May 27, 2023
- by @peoplesbalita
NAKAHANDA ang gobyerno sa posibleng epekto ng Super Typhoon Mawar sa oras na pumasok na ito sa Philippine Area of Responsibility (PAR).
Sinabi ni Pangulong Ferdinand Marcos Jr. na naghahanda ang pamahalaan para sa posibleng epekto ng bagyo sa hilagang bahagi ng bansa at maging sa iba pang lugar.
“Pinaghahandaan din natin ang magiging epekto nito hindi lamang sa hilagang bahagi ng bansa, kundi sa lahat ng lugar na posibleng maapektuhan ng bagyo,” ayon kay Pangulong Marcos.
Sa katunayan, nakipagpulong si Pangulong Marcos kay Defense officer-in-charge Undersecretary Carlito Galvez kung saan tiniyak nito na may nakahanda ng budget at food packs.
Nakahanda na rin aniya response teams at local government units sakali’t tumama na ang bagyo sa kanilang lugar.
“Sa pulong kasama si DND [USec.] Carlito Galvez, siniguro natin na naka pre-position ang pondo at food packs, naka-standby ang response teams, at handa na ang mga LGU sa mga lugar na tatamaan ng bagyo,” aniya pa rin.
Tinuran pa ng Punong Ehekutibo na may posibilidad na may dalang matinding pag-ulan at pagbaha ang bagyong Mawar sa ilang lugar sa bansa kabilang na ang Visayas region.
“May posibilidad na hilahin ng bagyo ang Hanging Habagat na magdadala ng matinding pag-ulan at magreresulta sa pagbaha sa ilang bahagi ng bansa sa Luzon hanggang Visayas,” ang wika ni Pangulong Marcos. (Daris Jose)
-
8 bagong miyembro ng Marawi Compensation Board, bagong chairman ng Commission on Filipinos Overseas, nanumpa sa harap ni ES Bersamin
SA kabila ng kontrobersiyal na cash-for hire scam at para patunayan na lehitimo ang mga napipiling opisyal ng gobyerno ay pinangunahan ni Executive Secretary Lucas Bersamin ang oath-taking ceremony ng mga bagong miyembro ng Marawi Compensation Board, ngayong araw ng Lunes, Enero 30. Ang mga bagong appointees sa Marawi Compensation Board ay sina […]
-
Rep. GERALDINE ROMAN, tinalakay ang ‘pro-women issues’ sa Bangkok Forum
MAGLAKBAY sa Bangkok, Thailand kasama si Bataan District 1 Representative Geraldine Roman habang ibinabahagi niya ang mga highlight ng kanyang paglahok bilang Pinuno ng Delegasyon ng Kapulungan sa 30th Asia Pacific Parliamentarians Forum. Dumalo siya sa Women Parliamentary Sessions upang pag-usapan ang mga hakbang sa pag-asenso ng kababaihan matapos ang COVID-19. […]
-
PBBM, bumuo ng inter-agency body para sa inflation, market outlook
NAGPALABAS si Pangulong Ferdinand Marcos Jr. ng executive order (EO) para direktang tugunan ang inflation at palakasin ang inisyatiba para mapabuti ang ekonomiya at kalidad ng buhay ng mga Filipino. Ang EO No. 28, tinintahan ni Executive Secretary Lucas Bersamin nito lamang Mayo 26, ay nag-aatas na lumikha ng Inter-Agency Committee on Inflation […]