• June 21, 2024
  • Ang Diyaryong Pinagkakatiwalaan

Pinas, igigiit ang lahat ng karapatan laban sa bagong batas ng China

IGIGIIT ng Pilipinas ang lahat ng karapatan nito patunay sa diplomatic protest na inihain ng Department of Foreign Affairs (DFA) laban sa bagong batas ng China na nag-uutos sa kanilang Coast Guard na maaaring gumamit na ng dahas o armas laban sa mga dayuhang barko na pupunta sa kanila teritoryo sa South China Sea.

 

“Under the United Nations Convention on the Law of the Sea, illegal fishermen should only post bail, and cannot be arrested, much less fired at. The Palace welcomes the foreign affairs department’s diplomatic protest against the new China law, ” ayon kay Presidential Spokesperson Harry Roque.

 

“This will prove that the Philippines is fully committed to the rule of law, and will assert all its rights available under existing principles of international law to defend its interests ,” dagdag na pahayag ni Sec. Roque.

 

Pinalagan naman ni Sec. Roque ang naging panawagan ni Senador Risa Hontiveros na tuligsain ang kamakailan lamang na harassment ng China sa mga mangingisda sa Philippines-occupied Pag-asa island sa pinagtatalunang Spratlys archipelago.

 

“Hindi naman po dapat diktahan ni Senadora Hontiveros ang ating Presidente, at hindi na niya kinakailangan sabihin kung anong gagawin ng Presidente,” ayon kay Sec. Roque.

 

“But we will protect and secure the Philippines national interest. And detalye po (the details), we leave it to the Department of National Defense, and the Department of Foreign Affairs, as well as the Philippine Coast Guard, ” aniya pa rin.

 

Sinabi pa ni Sec. Roque na ang maritime issue ay walang epekto sa negosasyon ng Pilipinas para makakuha ng Chinese-made COVID-19 vaccines.

 

“Ibang usapin naman ang bakuna. Ang bakuna po is actually humanitarian act of the entire planet earth in response to a humanitarian disaster,” aniya pa rin.

 

Sa ulat, kumambiyo na si DFA Sec. Teddy Locsin Jr. at naghain na rin ng diplomatic protest laban sa China.

 

Una rito, binalewala lamang ni Locsin ang napaulat na bagong batas sa China na nag-uutos sa Coast Guard na maaaring gumamit na ng dahas o armas laban sa mga dayuhang barko na pupunta sa kanila teritoryo sa South China Sea.

 

Sinabi pa ng kalihim kamakailan bilang reaksiyon sa isang senadora, wala raw pakialam ang Pilipinas kung anuman ang batas na ipasa ng China.

 

Pero inamin ni Sec. Locsin na nagbago na siya matapos na mapag-isip-isip na ang implikasyon ng hakbang ng China ay mistulang banta sa giyera sa sinumang bansa lalo na at malapit ang Pilipinas at isa claimants sa ilang bahagi ng South China Sea.

 

Ayon pa kay Locsin kung hindi umano kukuwestyunin ang kontrobersiyal na polisiya ng China magmumukhang natatakot ang mga kalapit na bansa.

 

“After reflection I fired a diplomatic protest. While enacting law is a sovereign prerogative, this one—given the area involved or for that matter the open South China Sea—is a verbal threat of war to any country that defies the law; which, if unchallenged, is submission to it,” ani Locsin sa kanyang Twitter message. (Daris Jose)

Other News
  • Salarin sa ‘luto’ hindi matunton ng PBA

    Hindi matunton ng PBA ang may sala sa “luto” remarks.   Kaya naman nagbabala si PBA commissioner Willie Marcial sa lahat ng koponan na iwasan ang anumang hindi magagandang statement habang nasa laro.   Dahil sa oras na muling may lumabag, isang mabigat na parusa ang nakaabang sa salarin.   Bantay-sarado na ng PBA ang […]

  • MAX, nambulabog dahil mabilis na naibalik ang seksing katawan bago siya nabuntis

    SUNUD-SUNOD ang pambubulabog ni Max Collins sa pag-post nito sa social media ng kanyang post-baby body pagkatapos nitong manganak last year.     Eight months na ang nakaraan noong isilang ng Kapuso actress noong July 2020 si Skye Anakin. Pero mabilis na naibalik ni Max ang dati niyang seksing katawan bago siya nabuntis.     […]

  • COVID-19 VACCINE SA LRT STATION

    MAKAKATANGGAP na ng COVID-19 vaccines ang publiko sa Antipolo station ng Light Rail Transit Line 2 simula  araw mula Lunes hanggang Sabado.     Inanunsyo ng LRTA nitong Linggo ang pinalawig na iskedyul habang pinapataas nito ang immunization drive nito sa pakikipag-ugnayan sa pamahalaang lungsod ng Antipolo.     Dati, ang vaccination site sa istasyon […]