Pinas inaasahan na ang 194k doses ng Moderna ngayong Marso

INAASAHAN ng Pilipinas na matatanggap na nito ang 194,000 doses ng Moderna’s COVID-19 vaccines sa buwan ng Mayo.

“It is expected to arrive, 194,000, most likely this coming May,” ayon kay , vaccine czar Carlito Galvez Jr.

Bahala na aniya ang National Immunization Technical Advisory Group kung anong priority group ang makatatanggap ng nasabing bakuna.

“The private sector agrees they will follow the WHO SAGE [World Health Organization-Strategic Advisory Group of Experts] and also the DOH [Department of Health], NITAG prioritization,” ang pahayag ni Galvez.

Ang pamahalaan at ang pribadong sektor ay nagsiguro na ng 20 million doses ng Moderna’s COVID-19 vaccines.

Sa ilalim ng kanilang tripartite agreement, ang Philippine government ay nagsiguro na ng 13 million doses ng Moderna vaccines habang ang private sector naman ay um- order na ng 7 milyong doses para sa kanilang mga manggagawa.

Samantala, sinabi naman ng Food and Drug Administration na ang Moderna ay nakatakdang magsumite ng kanilang aplikasyon para sa emergency use authorization para sa kanilang COVID-19 vaccine ngayong linggo. (Daris Jose)