Pinost din ang isang short video ni Baby Aura… ALICE, ‘di nagpahuli sa mga celebrities na nagpo-pose ng kanilang summer-ready beach bodies

HINDI nagpahuli si Alice Dixson sa mga celebrities na nagpo-pose ng kanilang summer-ready beach bodies.

Sa kanyang Instagram, pinost ng former Bb. Pilipinas-International 1986 na suot niya bikini bottom at loose shirt kunsaan kita pa rin ang well-toned body niya sa edad na 52.

Caption pa niya: “50 shades of tan. Nasa shade 25 na ako hihi.”

Dahil tapos na ang taping ng First Lady, nagbakasyon si Alice sa beach kasama ang kanyang baby girl na si Aura. Pinost niya ang isang short video ni Baby Aura habang nakatayo ito sa tubig habang may baby shark na lumalangoy.

Caption pa niya: “babies mouths are too small to bite…”

Laging nagpapasalamat si Alice sa pagdating ni Baby Aura sa buhay niya. Sampung taon daw niyang pinagdasal na magkaroon ng baby at noong 2021 ay sinilang si Baby Aura sa pamamagitan ng surrogacy.

“For those of you who really know me – you’ve known that I’ve been praying for this every year on my birthday for 10 years now. Each year – my wish the same when I blew out my candles,” sey pa ni Alice.

***

TINULUY–TULOY na ng former Pinoy Big Brother hosuemate na si Josef Elizade ang pagkakaroon ng sexy image.

Inamin ng aktor na hindi raw madaling tanggapin agad ang magkaroon siya ng sexy image. Pero dahil gusto na raw niyang magkaroon ng pagbabago sa kanyang acting career kaya hinamon niya ang sarili niya na gawin ang mga maiinit na eksena sa mga sexy-dramas na Ex-Deal 2 at Doblado ng Vivamax.

“I had some hesitations accepting the project dahil nga ayokong mabigo. No’ng in-offer nila sa’kin to do sexy, I was hesitant at first. Kasi nga siyempre, kinakabahan ako. Parang ready na ba ako? Puro pa-cute lang ako dati, patawa.

“So it’s a new environment for me and it’s a different style of acting also. So s’yempre I had to think about it muna, kung magagawa ko ba, kung kaya ko ba,” sey ni Josef.

Hindi nga basta-bastang sexy scenes ang ginawa ni Josef sa dalawang pelikula. may mga butt exposure siya at very graphic ang sex scenes niyang kasama ang mga sexy stars ng Vivamax na sina Denise Esteban, Angela Moreno at Rob Quinto.

“It’s something that I’m really open and I’m willing to try. Kasi nga, wala eh, parang gusto kong ma-experience lahat ng pagiging artista. So for me, to do that, kailangan kong ma-experience ito. Nage-enjoy naman ako and masaya naman siya. It’s challenging and fun at the same time.”

Produkto si Josef ng Pinoy Big Brother: Teen Edition Plus noong 2008. Ka-batch niya sina Beauty Gonzalez, Robi Domingo, Valerie Weigmann at ang winner na si Ejay Falcon. Lumabas siya sa mga Kapamilya teleserye na My Girl, Tayong Dalawa, Magkaribal, Kristine, Angelito: Batang Ama at FPJ’s Ang Probinsyano.

***

MULING nagbalik sa pag-awit ng original song ang Kapuso singer at Bubble Gang mainstay na si Denise Barbacena.

        Lumabas na ang latest single niya na “The Last Thing I’d Do” sa ilalim ng GMA Playlist at may kasama pa itong music video kasama ang Sparkle talent na si Anjay Anson.

Huling nag-recording si Denise ay noong 2017 pa para sa original soundtrack ng GMA primetime series na Destined To Be Yours. Ito ay ang “To Be Yours, I’m Destined,” and “Aking Tadhana”.

“When the song was first pitched to me, it was in the middle of pandemic where everyone was so uncertain about what’s going to happen. It feels like hopelessness na lang and sobrang negative. There’s so much negativity on the internet, in the outside world because we were locked-in.

“Noong na-pitch sa akin na-move ako, na-touch ako, na for a long while I haven’t felt like that. I haven’t felt ‘yung warmth, I haven’t felt warm inside from a song. Noong narinig ko siya sabi ko ‘Okay, this is it. This is what I wanna share out there. Ang goal to offer something na people can still feel love and hope. This song, hopefully the audience, the people who will get to watch the video or listen to the song will somehow feel like that.”

Gusto na rin ni Denise na mag-focus sa kanyang music na una niyang gustong gawin bukod sa pag-arte. Produkto siya ng GMA reality-based singing talent search na Protege: The Battle For The Big Break noong 2011. Kasalukuyang napapanood si Denise sa Bubble Gang at sa teleserye na Artikulo 247.

(RUEL J. MENDOZA)