Pinuri dahil kayang-kaya na gumawa ng action scenes: AJ, dedma na lang sa isyung ‘buntis’ at ‘di rin apektado ang ama na si JERIC

NAGTATANONG ang mga fans ni AJ Raval kung nagbabagong image na ba ng kanilang idol dahil nagulat sila after watching AJ sa Sitio Diablo.

Hindi kasi inaasahan ng mga fans na sasabak ito sa matitinding action scenes sa bagong obra ng cult director na si Roman Perez, Jr.

Pero in fairness kay AJ, ipinakita ng dalaga na kayang-kaya niya gumawa ng mga action scenes.

In fact, maraming pumuri sa husay ni AJ sa kanyang mga eksena sa pelikula. Kahit na isang babae, pinatunayan ni AJ na she has what it takes to be star.

Kung minimal man ang eksenang na nagpaseksi si AJ, tiyak naman na may blessing ito ng Viva. Siyempre gusto rin naman ni AJ to try something new, hindi lang basta love scenes na lang lagi.

Samantala, mukhang dedma na lang siya sa buntis isyu, dahil nakarampa na siya sa private screening ng movie niya. Pati na rin ang kanyang daddy Jeric Raval ay ‘di apektado, na first time nakapanood ng movie ng kanyang anak.

***
DAHIL sa documentary na “Hulagway” na dinirek ni Ateneo professor at filmmaker Alvin Yapan, natuklasan ng aktres na si Sue Prado na marami tayong local dialects na namatay na or near extinction.

Ayon pa kay Sue, magandang discovery ang nangyari sa kanilang research that took them to Palawan, Isabela at ibang lugar sa Pilipinas.

Noong unang binanggit sa kanya ni Direk Alvin ang tungkol sa project na ay agad nagka-interes si Sue sa naiibang research na ito tungkol sa ating mga katutubong languages.

Nais ni Sue at ni Direk Alvin na maipalabas amg docu sa iba’t-ibang paaralan para magkaroon ng awareness ang mga estudyante sa kahalagahan ng preservation ng ating mga wikang katutubo na iilang tao na lamang ang nakaalam.
Bahagi ng yaman ng ating kultura ang mga katutubong wika na ito kaya marapat lamang na ma-preserve ang mga katutubong wika na ito na hindi na ginagamit ng mga kabataan.

***

HITIK sa action ang Lee Jung Jae film titled Hunt, na pinagbibidahan nina Lee Jung Jae at Jung Woo-Sung.
Sina Park Pyong-ho at Kim Jung-do ay miyembro ng Korean Central Intelligence Agency. Ang mission nila ay mahanap ang mole within the agency at natuklasan nila ang plano sa Korean president sa spy-action film na ito.

Matapos nag-request ng asylum ng isang high-ranking North Korean official, kailangan na kumilos sona Park Pyong-ho at Kim Jung-do na mahanap kung sino ba ang espiya sa kanilang hanay.

Habang lumalalim ang kanilang imbestigasyon, mapapagsuspetsahan sina Park Pyong-ho at Kim Jung-do na diiumano mga espiya sa loob ng kanilang organisasyon.

Paano nila malilinis ang kanilang mga pangalan, lalo na kung hindi naman talaga involved sa masamang plano?
Pero may matinding rebelasyon sa ending na ikaka-shock ng lahat.

Matindi ang mga action scenes sa Hunt at halos di ka makakahinga habang nananood.

Maganda rin ang pagkakasulat ni Lee Jung-Hae na kwento na tiyak na magugustuhan ng mga mahihilig sa action movies.

(RICKY CALDERON)