PISO na PROVISIONAL INCREASE ng PASAHE sa HALIP na TATLONG-PISO
- Published on October 14, 2021
- by @peoplesbalita
Balak mag-petition sa LTFRB ang ilang jeepney transport groups para sa provisional increase na P3 – tatlong-piso – sa minimum fare dahil sa napakamahal na presyo ng diesel ngayon.
Sa dating P9. pesos ay magiging P12. pesos ang singil ng minimum fare.
Dama natin ang hinaing ng mga operators at drivers sa panahon ngayon na marami sa kanila ay namamalimos na sa lansangan dahil hindi sila nakapamasada ng mahabang panahon dahil sa kasalukuyang pandemya. At noong ibinalik ang pasada ay bawas ang kanilang pasahero dahil kailangan sumunod sa health protocols ng mga tao at para mapanatili ang social distancing sa public transport.
Pero sa tingin ng Lawyers for Commuters Safety and Protection (LCSP) ay masyado pong mataas ang hinihinging dagdag tatlong-piso para sa mga ordinaryong mananakay na marami sa kanila ay nawalan din ng trabaho at naghihikayos din sa buhay.
Magkakaroon ng pandinig ang LTFRB pagkatapos maghain ng petisyon ang mga jeepney groups. At sa LCSP ay hiling namin na piso na lang muna ang idagdag sa halip na tatlong-piso. Ang P9. pesos ay magiging P10. piso na minimum fare.
Bagamat hindi kalakihan ang pagtaas ay mababalanse natin ang pangangailangan ng mga transport groups at ang kakayahan ng mga pasahero.
Kailangan pa rin ituloy ang tulong ng pamahalaan sa mga driver at operators at isang-tabi muna ang mga polisiyang pahirap sa kanila sa panahon ng pandemya. Ito po ang posisyon ng LCSP.
Piso, hindi tatlong-piso. (Atty. Ariel Enrile-Inton)
-
Sen. Ping Lacson, kumalas na sa Partido Reporma, Robredo na ang susuportahan sa pagkapangulo
NAG-ANUNSYO na ng kanyang pagbibitiw mula sa Partido Reporma ang presidential candidate na si Sen. Panfilo “Ping” Lacson, kahapon, Huwebes. Nangangahulugan ito na magiging independent candidate na lamang siya. Pero tuloy pa rin umano ang pagtakbo nito para sa presidential race sa darating na Mayo 9, 2022. Si Lacson, […]
-
NADINE, handog ang virtual concert para sa elderly gay community at mga drag artists
MAGHAHANDOG ng virtual concert para sa elderly gay community si Nadine Lustre na may titulong Nadine, Together With Us. Para rin daw ito maka-raise ng funds para sa mga drag artists na nawalan ng trabaho noong magkaroon ng pandemya. The online show will be streamed via the official TaskUs PH Facebook page on […]
-
John Enrico “Joco” Vasquez, naguwi ng gintong medalya mula sa Ontario Karate Championship
Hindi maipaliwanag ang saya. Ito ngayon ang nararamdaman ni John Enrico “Joco” Vasquez, Karateka National Athlete Gold Medalist, matapos nitong masungkit ang gintong medalya sa kategoryang Male Kata sa katatapos lamang na Ontario Karate Championships. Sa naging panayam sa kanya ng Bombo Radyo Dagupan, sinabi nito na kakaiba ang naging karanasan nito sa […]