PISTON pinipilit ang LTFRB na ibasura ang consolidation

NAG-protesta ang mga miyembro ng Pinagkaisang Samahan ng mga Tsuper at Operator Nationwide (PISTON) sa labas ng Mababang Kapulungan sa lungsod ng Quezon noong nakaraang Huwebes.

Ang Party list na Makabayan ay naghain ng Resolution 1506 na hinihikayat ang Land Transportation Franchising and Regulatory Board (LTFRB) na ibasura ang Department Order 2017-011 na mas kilalang Omnibus Franchising Guidelines na may mandato sa pagpapatupad ng Franchise Consolidation sa darating na Dec. 31, 2023.

Nangangamba ang grupong PISTON sa posibleng economic impact at exclusion ng mga small at single-vehicle operators na siyang sinusulong ng pamahalaan upang magkaron ng franchise consolidation na papayagan lamang na magkaroon ng isang franchise sa iisang ruta.

Sa transportasyon pa rin at sa gitna ng kaguluhan at problema sa pagpapatupad ng full digital shifting ng lahat ng transaksyon sa Land Transportation Office (LTO), maraming grupo naman ang sumusuporta sa mungkahi na ang Management Information Division (MID) ang siyang hahawak ng full transition sa Land Transportation Management System (LTMS) ng ahensya.

Ang mga grupo ay ang mga sumusunod: Automobile Association Philippines (AAP), Philippine Automotive Dealers Association (PADA), Philippine Insurers and Reinsurers Association (PIRA), Philippine Transport Monitor (Philtram), at ang Vox Dei Protocol System Inc. Sila ang nagsabing na ang full LTMS utilization ay magbibigay ng honest-to-goodness na digital transformation na mabibigyan ng benepisyo ang mga kliente ng LTO.

“The LTMS not only represents a significant technological leap but also assures a corruption-free environment which is a vital factor in any national progressive goal. This move reflects a genuine commitment to enhancing the experience of owning a motor vehicle and we at AAP stand firmly in support of the government’s efforts,” wika ni AAP president Augustus Ferreria.

Tinutulak ni LTO assistant secretary Vigor Mendoza III ang full utilization ng LTMS upang bigyan suporta naman ang utos ni President Ferdinand Marcos, Jr. ang pagkakaroon ng digital shift sa lahat ng sangay ng pamahalaan upang masiguro ang mabilis, epektibo, komportable at efficient na serbisyo sa publiko.

Ang LTMS ay nilagay sa pangunguna ng isang German na kumpanya sa joint venture nito sa grupong Dermalog-Holy Family Printing Corp. LASACMAR