PLM PINURI KALIDAD NG PAGTUTURO, 195 TAKERS PASADO SA 2023 NLE
- Published on June 27, 2023
- by @peoplesbalita
SA PANGUNGUNA ni Vice Mayor John Marvin “Yul Servo” Nieto, ipinasa ng Sangguniang Panlungsod ng Maynila ang isang resolusyong nagbibigay papuri sa Pamantasan ng Lungsod ng Maynila (PLM) matapos pumasa ang lahat ng kanilang estudyante sa nakaraang Nursing Licensure Exam (NLE) na nalagpasan ang dating 74.94% na passing rate.
Sa naturang resolusyon na sama-samang iniakda nina Councilors Pamela “Fa” Fugoso, Irma Alfonso-Juson, Louie Chua, at Ernesto “Jong” Isip. Jr., nagkaisa silang purihin ang 195 na nagtapos ng nursing sa pamantasan matapos lahat ay pumasa sa 2023 NLE kung saan 15 sa kanila ang napasama pa sa listahan ng mga topnotchers.
Ang 15 sa mga kabilang sa listahan ng mga topnotchers ay sina Miyu Krista Cuyson Miura na nakakuha ng 3rd place; Karl Russel Abuyo Acuna, 5th place; Pamella Metucua Cordero, 6th place; Dan Precioso Gonzales Cruz, 7th place; Sharmaine Anne Velilla Enriquez, Alexandra Cathlene Infante Pineda, Michaella Valenzuela Umlas na nasa 8th place; Kyla Tolentino Abrencillo, Angelo Jose Mejillano Molina, Jemiline Pascua Olbocm, Shee Ann Mae Doctor Pagasian sa 9th place; at Jed Andrew Stephen Yap Milag, Natasha Mae Basilia Jacinto, Mary Joyce Diane Villotica Lim, at Angelika Arandela Ocampo sa 10th place.
Dahil na rin sa huwarang pagganap, ginawaran ng Professional Regulation Commission (PRC) ang PLM bilang isa sa “Top Performing School” ngayong taon sa NLE.
Mabilis namang inaprubahan ng lahat ng miyembro ng Sanggunian ang resolusyon habang tangan pa ni Vice Mayor Nieto ang gavel.
“With [the] utmost support from Mayor Maria Sheilah ‘Honey’ Lacuna-Pangan, PLM continues to shine as one of the premier universities in the country,” pahayag ni VM Nieto.
Ang PLM ay isang pamantasang may sariling awtonomiya na pinondohan ng Pamahalaang Lungsod ng Maynila na naghahandog na libreng matrikula sa mga matalino at kuwalipikadong estudyante mula sa buong bansa. (Leslie Alinsunurin)
-
Bunga ng ‘disiplina at focus’ at siya rin ang nag-design: MARK, ‘di na makapaghintay na lumipat sa dream house niya
MASAYA ang singer na si Mark Bautista dahil 98% na raw tapos ang kanyang pinapagawang bahay. Hindi na raw siya makapaghintay na lumipat sa kanyang bagong bahay na bunga ng “disiplina at focus.” Noong 2021 sinimulan ang construction ng kanyang dream home at lahat daw ng ginamit at ilalagay […]
-
Jobless rate nitong Setyembre 2022, bumaba kasabay ng pagbaba sa bilang ng mga Pilipinong may trabaho
NAKAPAGTALA ng pagbaba sa bilang ng mga Pilipinong walang trabaho ang Philippine Statistics Authority (PSA) nitong buwan ng Setyembre, ngunit kasabay nito ay nagkaroon din ng pagbaba ang bilang ng mga indibidwal na mayroong trabaho sa bansa batay sa preliminary result ng kanilang isinagawang Labor Force Survey. Sa ulat ni PSA chief at […]
-
Pagbalik sa mandatory face mask policy, kasunod ng pagtaas ng Covid cases, ipinauubaya na sa IATF,DOH – PBBM
WALA pang nakikitang pangangailangan si Pangulong Ferdinand Marcos Jr., na ibalik ang mandatory na pagsusuot ng face mask, sa kabila ng pagtaas muli ng Covid-19 cases sa bansa. Sa isang panayam sinabi ng Chief Executive na kailangan pag-aralan nito muli. Ayon sa Pangulo dapat maging masigasig muli sa paghihikayat na magpa […]