PNP Chief ipinag-utos ang mahigpit na pagpapatupad ng curfew sa NCR
- Published on August 5, 2021
- by @peoplesbalita
Inatasan ni PNP Chief PGen. Guillermo Eleazar ang National Capital Regional Police Office (NCRPO) na mahigpit na ipatupad ang curfew hours sa oras na maging epektibo ang Enhanced Community Quarantine (ECQ) sa NCR.
Kasabay ito ng paghihigpit sa mga border control mula Agosto 6 hanggang Agosto 20.
Sinabi ni Eleazar na nauunawan niya ang sinasabing “quarantine burnout” na nararamdaman ng mga mamayan, pero mali aniya ang pananaw na walang nagagawa ang paghihigpit.
Ayon kay Eleazar ang mas mahabang curfew sa NCR mula alas-8:00 ng gabi hanggang alas:4:00 ng umaga at striktong border control ay makakatulong upang mapigilan ang mass gathering at super spreader events.
Hinimok ni Eleazar ang publiko na sunding maigi ang minimum health safety standards at quarantine protocols para maiwasan ang pagkalat ng mas nakahahawang Delta variant.
Nakita na aniya ang epekto ng Delta Variant sa India at nararapat lang ang agarang aksiyon ng pamahalaan bago mauwi sa sisihan.
Dagdag pa ng PNP Chief, tutulong din sila sa mahigpit na pagpapatupad ng liquor ban na pina-iiral ng ilang mga lokal na pamahalaan sa Metro Manila.
Simula Agosto 6, sabay-sabay na ipatutupad sa buong National Capital Region ang uniform curfew, ayon kay Metropolitan Manila Development Authority chairperson Benhur Abalos. (Daris Jose)
-
Pag-uusap at konsultasyon sa pribadong sektor, kailangan para sa importasyon ng bigas-DA
INAMIN ni Department of Agriculture (DA) Usec. Mercedita Sombilla na kailangan na magkaroon ng pag-uusap at konsultasyon sa pribadong sektor para sa gagawing importasyon ng bigas. Sa press briefing sa Malakanyang, sinabi ni Sombilla na “I think the President will really have to do some consultations with the private sector so that, you […]
-
Celtics coach aminadong humina ang opensa noong Game 4
HINDI ikinaila ni Boston Celtics coach Ime Udoka na nagkaroon ng mahinang opensa ang kaniyang koponan kaya naitabla ng Golden State Warriors sa 2-2 ang kanilang best of seven Finals. Sinabi nito na nag-eenjoy na sana sila sa isang panalo para makuha ang kampeonato kung hindi lamang mahina ang opensa nila noong Game […]
-
PBBM, lumikha ng dalawang bagong special economic zones sa Pasig City, Cavite
TININTAHAN ni Pangulong Ferdinand R. Marcos Jr. ang dalawang proklamasyon na naglalayong lumikha ng special economic zones sa Pasig City at Tanza, Cavite. Nilagdaan ng Pangulo ang Proclamations 512 at 513, noong Abril 1 na isinapubliko naman, araw ng Miyerkules. Sa ilalim ng Proclamation 512, pinili ni Pangulong Marcos ang ilang […]