PNP hinikayat na magsagawa ng mental fitness sa mga recruits

HINIKAYAT ng mga mambabatas ang Philippine National Police (PNP) na magsagawa ng mental fitness check sa mga personnel nito kasunod na rin sa ipinakitang galit ng isang pulis nito kaugnay sa pagkaka-aresto ni dating Presidente Rodrigo Roa Duterte.

Umapela rin sina House Assistant Majority Leader Zia Alonto Adiong, chairman ng Ad Hoc Committee on Marawi Rehabilitation and Victims’

Compensation, at Deputy Majority Leader Paolo Ortega V ng La Union sa PNP na palakasin ang recruitment process nitio.

Ang suhestiyon ay ginawa ng mga mambabatas kasunod na rin sa ulat ng lumabas na vlogs ni Pat. Steve Francis Fontillas ng Quezon City Police District (QCPD).

“Kasi kailangan talaga ‘yung I think the PNP has to make a very strong measure in determining the psychological capacity of all the recruits. Kasi of course bibigyan mo ‘yan ng baril, bibigyan mo siya ng responsibility,” ani Adiong.

Kaisa sa pahayag ng kasamahang Kaisa sa pahayag ng kasamahang mambabatasm sinabi naman ni Ortega na ang PNP, National Police Commission, at maging ang Armed Forces of the Philippines at iba pang kahalintuald na ahensiya na ikunsidera, bukod sa physical fitness ng mga recruits ang kanilang mental fitness.

“Nandyan naman na yung Napolcom eh… siguro it’s in within their best interest na sila naman po ‘yung nakatutok na rin po diyan, and sabi nga po natin yung may recruitment po dyan, Sabi ko nga, usually kasi po dyan ‘yung matibay po saka nakaka-last sa physical exam, nakaka-endure po dun sa physical side ng pagiging parte po ng kapulisan o ano man, Armed Forces,” ani Ortega.

Kinasuhan na ng QCPD ng administratibo si Fontillas. (Vina de Guzman)