PNP: Pamilya ng broadcaster na si Percy Lapid ‘binabantaan na rin ang buhay’
- Published on October 26, 2022
- by @peoplesbalita
INIUTOS na ni Philippine National Police chief Rodolfo Azurin Jr. na paigtingin ang seguridad ng pamilya ng pinatay na radio broadcaster na si Percy Lapid (Percival Mabasa) sa dahilang nakatatanggap na rin sila ng death threats.
Ito ang ibinahagi ni Azurin, Martes, sa panayam sa kanya ng ANC ilang araw matapos maisama sa 160 “persons of interest” sa pagkamatay ng radio commentator ang suspendidong director general ng Bureau of Corrections na si Gerald Bantag.
“I already ordered the security of the family of Roy Mabasa, the brother [of Percy Lapid], at tsaka ‘yung family po ni Ginoong Percy ‘Lapid’ Mabasa, dahil nga po may natatanggap na silang death threats,” ani Azurin sa isang panayam kanina.
Lumabas ang nabanggit isang linggo matapos humarap sa publiko ang sumukong “gunman” sa Lapid killing na si Joel Estorial, na siyang tumanggap daw ng utos mula sa loob ng New Bilibid Prison. Una na niyang sinabing itinumba niya si Mabasa sa halagang P550,000 na kanilang pinaghati-hatian.
Matatandaang nasawi naman daw sa loob ng Bilibid ang isa sa mga “middleman” sa pagpatay kay Mabasa na si Jun Villamor sa parehong araw ng pagsuko ni Estorial, dahilan para masuspindi si Bantag ng 90 araw. (Daris Jose)
-
Lithuanian player tumutulong sa Gilas
MALAKING tulong para sa Gilas Pilipinas ang mga payo ni dating Lithuanian player Virginius Sirvydis na tumutulong sa training camp ng tropa sa Kaunas, Lithuania. Ayon kay Gilas Pilipinas head coach Chot Reyes, malaki ang kontribusyon ni Sirvydis na may mga puntong ibinibigay para mas lalong mapalakas ang Pinoy cagers para sa FIBA World Cup. […]
-
Ex-DBM procurement head ‘susi’ sa overpriced face mask, face shield
Hinikayat ni Senate Minority Leader Franklin M. Drilon ang nagbitiw na si dating Budget Undersecretary Lloyd Christopher Lao na isiwalat ang mga nalalaman sa overpriced na face mask at face shield na binili ng Department of Health sa pamamagitan ng Procurement Service ng Department of Budget and Management. Naniniwala si Drilon na si […]
-
Pinas, Vietnam coast guards magtatatag ng hotline para sa maritime cooperation
KAPWA tinintahan ng Philippine Coast Guard (PCG) at Vietnam Coast Guard (VCG) ang isang kasunduan ukol sa pagtatatag ng “hotline” para palakasin ang komunikasyon sa pagitan ng dalawang maritime security groups. Nilagdaan ang memorandum of understanding (MOU) sa isinagawang state visit ni Pangulong Ferdinand R. Marcos Jr. sa Vietnam kasama sina PCG Chief, […]