Ponggay aayudahan ang mga mag-aaral
- Published on September 18, 2020
- by @peoplesbalita
WALA pang katiyakan sa petsa sa pagbubukas ng 4th Premier Volleyball League (PVL) 2020.
Pero sinisinop ang oras ng mga team ng semi-pro women’s volleyfest, maging ang karamihan sa kanilang mga player.
Kagaya ni Pauline Marie Monique ‘Ponggay’ Gaston ng Choco Mucho Flying Titans, na naglalaro rin sa Ateneo Lady Eagles sa University Athletics Association of the Philippines (UAAP) kung saan siya pa ang team skipper.
Pinagkakaabalahan ng 22-anyos at may taas na 5-10 na middle hitter ang pangangalap ng pondo mula sa mga donasyon ng mga netizen at iba pang mga taong may ginintuang puso.
Ipinapantulong naman niya ang nalikom na pera para sa mga batang wala pang magamit sa kanilang pag-aaral sa nakatakdang pagbubukas ng mga klase sa darating na Oktubre 5.
“Hi everyone this is Ponggay Gaston from Ateneo de Manila University, ako po’y kumakatok sa inyong mga puso para makatulong po sa mga batang walang magagamit sa pag aaral nila ngayon,” isa sa mga huling post ng dalagang balibolista sa kanyang Facebook account.
Hinirit niya: “Kung willing kayong tumulong kahit konting halaga ay malaking tulong na po ‘yun, just pm me or comment down thank you.”
Isa sa bagitong manlalaro si Gaston sa Titans. Ang isa pa ay Jamie Lavitoria.
Saludo ang OD sa iyo Ponggay. Mabuhay ka. Dumami pa sana ang lahi ninyo! (REC)
-
World’s No. 1 Djokovic binigo ni Zverev na makamit ang ‘Golden Slam’
Nagtapos na ang kampanya sa Tokyo 2020 ni tennis world number 1 Novak Djokovic matapos talunin siya ni Alexander Zverev (No. 5). Nakuha kasi ng German player ang score na 1-6, 6-3, 6-1 para makapasok sa semifinals. Target kasi ng Serbian tennis star na maging unang men’s tennis player na manalo […]
-
Mahigit 34-K na pamilya apektado pa rin ng oil spill sa Oriental Mindoro
MAYROONG 34,553 na pamilya mula Mimaropa at Western Visayas ang apektado ng oil spill sa Oriental Mindoro. Ayon sa National Disaster Risk Reduction Management Council (NDRRMC) na mayroong ding 13,654 na mga pangkabuhayan ng mga mangingisda at magsasaka ang naapektuhan ng oil spill. Tiniyak ng ahensiya na mahigpit ang ginagawang pagtutulungan ng mga iba’t ibang […]
-
DEEP INSIDE MY HEART (Chapter 4) Story by Geraldine Monzon
NAKATAKAS ang mga kasama ni Cecilia habang siya ay naiwan sa kamay ni Bernard. Dahil sa narinig na putok kanina ay napilitang lumabas ng silid si Angela sa pag-aalala sa asawa. Kasunod niya si Lola Corazon. “Bernard!” “Natawagan mo na ba si Marcelo?” “Oo Bernard, papunta na […]