• June 14, 2024
  • Ang Diyaryong Pinagkakatiwalaan

Prangkisa ng ABS-CBN, pagkatapos ng SONA uusad – Cayetano

MAAARING sa pagtatapos na ang State of the Nation Address (SONA) ni Pangulong Duterte na magsimula ang pagtalakay sa aplikasyon ng ABS-CBN na ma-renew ang prangkisa nito.

 

Ayon kay House Speaker Alan Peter Cayetano dalawang opsyon ang kanilang tinitignan kung kailan magsasagawa ng pagdinig ang House committee on legislative franchise.

 

“There are two options, one is that depende kung ano matapos namin in the next three weeks and a the longer option, right after SONA. Kasi ang session namin ng January to March maiksi, ang session namin ng Mayo maiksi rin, ang pinakamahaba natin is ‘yung July hanggang mag-adjourn ng October,” ani Cayetano.

 

Sinabi niya na “hindi ito teleserye na magandang bitin” ang pagtalakay sa prangkisa ng ABS-CBN.

 

“Unlike teleserye na lamang ang network kapag maganda ending at medyo bitin, hinahanap-hanap mo yung season 2 eh di ba? Pero dito sa Kongreso, in my experience mas mabuti na inumpisahan natin, tapusin na natin,” imporma ng mambabatas.

 

Iginiit muli ni Cayetano na nais niya na makapagsalita ang lahat ng pabor at tutol sa panukala bago magdesisyon ang komite kung ire-renew ang prangkisa o hindi.

 

Sa Marso mage-expire ang prangkisa ng ABS-CBN subalit naniniwala ang liderato ng Kamara de Representantes na maaari pa ring magpatuloy ang operasyon nito hanggang nakabinbin ang aplikasyon at hindi pa ibinabasura.

 

Tiniyak din ng House Speaker na hindi magsasara ang ABS-CBN kahit na matapos ang prangkisa sa katapusan ng susunod na buwan dahil makikipag-uganayan sila sa National Telecommunications Commission (NTC) habang nakabinbin sa Kamara ang usapin.

 

Samantala, hindi nagustuhan ni Cayetano ang gagawing pagdinig ng Senado sa franchise renewal ng broadcast giant na ABS-CBN.

 

Ayon sa mambabatas, labag sa konstitusyon ang gagawing imbestigasyon ng komite ni Senator Grace Poe.
Sinabi nito na nagtataka siya kung bakit atat na atat ang mga senador na pag-usapan ang ABS-CBN franchise gayong tiklop naman sa panukalang Charter Change o ChaCha.

 

Sinabi nito na nagtataka siya kung bakit atat na atat ang mga senador na pag-usapan ang ABS-CBN franchise gayong tiklop naman sa panukalang Charter Change o ChaCha.

 

Sang-ayon din aniya siya sa pagkwestyon ni Senate President Vicente “Tito” Sotto III kay Poe kung ano ang didinggin nito gayong hindi pa naman nasisimulan ng Kamara ang franchise hearing.

 

Kapag ibinasura ng Mababang Kapulungan ang franchise ng network ay wala namang dapat dinggin ang Senado.
Mainam, ayon kay Cayetano, na hintayin na lamang ng Senado ang resulta ng pagdinig sa franchise ng Kamara upang magkaroon sila ng records ng mga may gusto at ayaw sa franchise renewal.

 

Bukod dito, isang local bill din na maituturing ang franchise bill ng ABS-CBN kaya dapat na sa Kamara talaga ito magsisimula. (Ara Romero)

Other News
  • TAKE A SNEAK PEEK AT THE RESIDENTS OF HWANG GUNG APARTMENTS IN THE CHARACTER TRAILER FOR “CONCRETE UTOPIA” (PART 1)

    RULES for survival: Obey or leave. Watch the character trailer for Concrete Utopia. The critically acclaimed film opens in Philippine cinemas this week, September 20.  https://youtu.be/1vY5TwZaRb0 Get to know more about the characters of Concrete Utopia and the actors and actresses that portrayed them, as described by director Um Tae-hwa. YOUNG-TAK, Resident Delegate of Hwang Gung Apartments Played […]

  • Watch how comedy adventure “IF,” starring Ryan Reynolds and directed by John Krasinski, creates a world you have to believe to see

    WRITER and director John Krasinski (A Quiet Place movies) has had IF brewing in his mind for years, and his comedy adventure film dream has now become a reality. “I had the idea for this movie about seven years ago,” says Krasinski. “I wanted to do a movie about imaginary friends called IFs.”     […]

  • Tuloy na tuloy kahit may pandemya: SHARON, CHARO, DANIEL, CHRISTIAN at DINGDONG, ilang lang sa maglalaban-laban sa GEMS Awards

    KAHIT na may pandemya, hindi nagpatinag ang GEMS – Hiyas ng Sining sa pagbibigay ng award.     Headed by Mr. Norman Llaguno, inilabas na GEMS ang mga nominado sa iba’t-ibang kategorya.     Virtual awarding lang muli dahil sa lockdown na naman tayo sa NCR although ang plano sana nila ay live awarding. Magaganap […]