PSC OIC Fernandez, atleta sumalang sa Covid-19 tests
- Published on July 6, 2020
- by @peoplesbalita
Pinangunahan ni Philippine Sports Commission (PSC) Commissioner at newly appointed Officer-In-Charge Ramon Fernandez ang isinagawang COVID-19 swab testing sa PhilSports Complex sa Pasig City.
Kasama ni Fernandez sa ginanap na testing ang kanyang asawang si Karla Kintanar-Fernandez at inaasahang makukumpleto ang 14-day quarantine, habang nagtatrabaho bilang OIC, sa July 17.
“We will comply with the standard procedures to ensure that we are helping in curbing the spread of the virus,” ani PSC OIC Fernandez.
Bukod kay Fernandez dumaan din sa Covid testing ang mga national boxer mula sa Baguio City na sina 2021 Tokyo Olympic qualifier Irish Magno at 2019 AIBA Women’s World Champion Nesthy Petecio, 10 iba pang boxers, 6 na lalaki at 4 na babae at isang coach.
Sumailalim din sa swab tests ang mga atletang nakatira sa Philsports mula boxing hanggang fencing, para-athletes ng athletics, wheelchair basketball, sitting volleyball, table tennis, at chess.
Sasalang sa 14-day quarantine ang mga boksingerong mula Baguio at oobserbahan hanggang lumabas ang resulta. Bibigyan din umano sila ng pagkain, tirahan at lahat ng assistance mula sa PSC staff.
“Hindi muna sila pinalalabas ng assigned rooms nila. Until lumabas swab test results nila, hinahatiran sila food,” ani Philsports Dormitory manager Roselle Destura.
“Kung may ipapabili, ipapawithdraw, at ipapadala sa pamilya, pinapaiwan namin sila ng note sa harap ng room nila and then kami na gagawa for them,” dagdag pa nito.
Tutulungan ng PSC ang mga atleta na makakuha ng travel pass pabalik sa kanilang hometowns kung magnegatibo sa ginawang covid tests.
-
Ravena, Kouame swak na sa ‘Calambubble’
PUMASOK na ang 12 basketbolista sa Inspire Sports Academy sa Calamba City, Laguna nitong Linggo, Enero 10 para sa Gilas Pilipinas training pool bubble. Ang hakbang ng Samahang Basketbol ng Pilipinas Inc. (SBPI) ay kaugnay sa paghahanda sa national men’s basketball team para sa 30th International Basketball Federation (FIBA) Asia Cup 2021 third & […]
-
‘Di makapaniwalang 5 months na si Peanut: LUIS, pinagtripan na naman ang pagsasayaw ni VILMA
ANG bilis ng panahon at five months old na pala si Isabelle Rose, ang first born ng mag-asawang Luis Manzano at Jessy Mendiola. Pinost ni Luis sa kanyang Instagram si Baby Rose na naka-pink ruffle dress at may number 5 sa tabi nito na puno ng bulaklak. “Happy 5th month our little Peanut,” caption ni […]
-
DOH nagdeklara ng Code White
NAGDEKLARA na ng Code White ang Department of Health (DOH) sa mga ospital malapit sa Kanlaon Volcano. Payo ng DOH sa mga residente , mag-ingat at making sa mga abiso ng local government officials . Ang pagdedeklara ng Code white alert ay kadalasang ginagawa tuwing malalaking kaganapan o holidays na nagdudulot […]