PSC program palakasin – Buhain
- Published on May 28, 2022
- by @peoplesbalita
MAS palakasin ang Philippine Sports Commission (PSC) upang mas maging solido ang kampanya ng pambansang delegasyon sa mga international competitions.
Ito ang pananaw ni dating PSC chairman at Southeast Asian Games bemedalled swimmer Eric Buhain na kasalukuyang kinatawan ng Batangas First District sa Kongreso.
Nais ni Buhain na mapalawak pa ang batas para magkaroon ng matibay na armas ang PSC katuwang ang ibang sangay ng gobyerno gaya ng Department of Education (DepEd) at mga pribadong sektor tulad ng Philippine Olympic Committee (POC) at National Sports Associations (NSA).
Iginiit ni Buhain na kailangang palakasin ang grassroots development program na siyang pangunahing pinagkukunan ng talento ng bansa.
Ilan sa produkto ng grassroots development program sina Tokyo Olympics gold medalist Hidilyn Diaz, world champion at SEA Games multi-gold medalist Carlos Edriel Yulo at SEA Games record holder EJ Obiena ng athletics.
“It’s about time na magkaroon tayo ng amyenda sa PSC Law. Kailangang ma-engganyo ang private sector na sumuporta and partnership sa DepEd dahil kasi sa kanila talaga nangagaling ang mga kabataan na sasanayin natin at ihahanda sa international competition,” ani Buhain sa lingguhang TOPS Forum via zoom.
Ayon pa kay Buhain, kailangan lang magtipun-tipon ang lahat ng stakeholders upang maikasa ang solidong programa para sa ikabubuti ng Philippine sports.
“I’m open to sit down with all stakeholders para mas mapalalim pa natin ang programa, maging consistent ang performance ng ating mga atleta at talagang dapat nating ibaba ang atensyon sa grassroots,” ani Buhain.
Umaasa si Buhain na makakatuwang nito sa pagpasa sa batas sina Ormoc Rep. Richard Gomez, PBA Partlist Rep. Mikee Romero at Tagaytay City Rep. Bambol Tolentino na kasalukuyang pangulo ng POC.
-
Hindi kamay ang nilunok kundi paa na may bakal: ANNE, niresbakan si VICE GANDA at tinawag na matandang ‘ulyanin’
NAKAAALIW at hindi talaga pinalampas ni Anne Curtis ang bonggang litanya ni Phenomenal Unkabogable Star na si Vice Ganda noong Lunes sa kanyang Twitter account, na kung saan sinagot nito ang mga paratang isang netizens. Isa nga sa naging pasabog na post ni Vice na kinaaliwan ng mga netizens ang nakatutuwang pag-amin niya […]
-
YASMIEN, dapat pasalamatan ni ALWYN sa pagkakaayos nila ni JENNICA
PWEDENG pasalamatan ni Alwyn Uytingco ang co-star ni Jennica Garcia na si Yasmien Kurdi sa bagong GMA Afternoon Prime, ang Las Hermanas na mapapanood na simula sa October 25. Although bida-kontrabida silang dalawa rito bilang first kontrabida role nga ito ni Jennica, sa lock-in taping kunsaan, unang sabak muli ni Jennica sa taping […]
-
Indian tennis star Sania Mirza inanunsiyo ang pagreretiro
INANUNSIYO ni dating Wimbledon doubles champion Sania Mirza na ito ay magreretiro na. Ayon sa kilalang tennis star ng India na tatapusina lamang niya ang mga torneo ngayong 2022 at tuluyan ng magreretiro. Isinagawa nito ang anunsyo matapos ang pagkatalo sa unang round ng Australian Open. Dagdag pa ng […]