PSC, umapela na sa kongreso at senado sa pagkokonsidera ng COMELEC sa mga SEA GAMES athletes sa local absentee voting
- Published on December 29, 2021
- by @peoplesbalita
Umaasa ang Philippine Sports Commission na magagawan pa ng paraan ng Commission on Elections upang makaboto ang mga atleta at coaches na makikilahok sa Southeast Asian Games na gaganapin sa Hanoi, Vietnam.
Nauna nang nagpatupad at nag-abiso ang COMELEC sa PSC na ang mga national athletes na lalahok sa SEA Games sa May 12 hanggang 23 ay hindi kasama sa Local Absentee Voting.
Sa panayam ng Bombo Radyo Vigan kay PSC Commissioner Ramon Fernandez, nagpatulong na umano sila sa kongreso at senado nang sa ganon ay tyansa pa ring makaboto ang mahigit-kumulang isang libong atleta na kalahok sa nasabing palaro.
Aniya, May 12 magsisimula ang palaro sa SEA Games ngunit kinakailangan naman umano ang mas maagang pagpunta ng mga atleta at coaches sa venue para hindi maantala ang kanilang pag-eensayo at upang makapag-adjust sila sa nasabing bansa.
Gayunman, nakatakda namang magpulong si Philippine Olympic Committee President Bambol Tolentino at ni Commissioner Fernandez kung ano ang diskarteng maaari nilang gawin.
-
Balik-serye na rin silang mag-asawa: Plano nina MIKAEL at MEGAN na magkaroon ng anak, on-hold pa rin
ILANG beses nang tumanggi na gumawa ng teleserye si Miss World 2013 Megan Young dahil hindi raw nito bet ang lock-in taping noong kasagsagan ng pandemya. Pero ngayon at maluwag na ang pagtrabaho sa set, tinanggap na ni Megan ang teleserye na ‘Royal Blood’ kunsaan magkasama sila ng mister na si Mikael Daez. […]
-
Injuries ng mga players isinisi sa ‘brutal’ na games scheduling ng NBA
Isinisi ngayon ng mismong ilang mga NBA managers ang mahigpit na scheduling na siyang dahilan umano ng maraming injuries ng marami nilang mga players. Ayon sa ilang general managers na tumangging isapubliko ang mga pangalan, mas matindi pa ngayon ang torneyo kumpara sa ginanap na NBA bubble noong nakaraang taon sa Florida. […]
-
Ads April 13, 2024