Publiko pinag-iingat vs modus sa COVID-19 cash aid
- Published on July 26, 2022
- by @peoplesbalita
PINAG-IINGAT ni Philippine National Police Officer-in-Charge (OIC) Vicente Danao Jr., sa publiko ukol sa modus na kumukuha ng sensitibong impormasyon Mmula sa mga indibidwal kapalit ng “unclaimed” COVID-19 cash aid mula sa Department of Social Welfare and Development (DSWD).
Paalala ni Danao sa publiko na huwag agad ipagkatiwala ang mga sensitibong impormasyon ukol sa kanilang mga sarili, at sinabi na ang Data Privacy Act of 2012 “limits government agencies” na tanungin ang mga indibidwal ukol sa kanilang personal at sensitibong mga impormasyon.
“It’s important to note that you should be critical as well about the identity of the unknown person. If you are able to get his or her name, then check the veracity with the concerned agency,” ani Danao.
Binanggit din ni Danao ang insidente kamakailan sa Cagayan De Oro City kung saan isang nagngangalang Jhon Carl Mendoza, 30, ang inaresto matapos magpanggap na DSWD officer na nag-aalok ng tulong kapalit ng pera.
Nakapag-ulat na rin ang DSWD ng parehong kaso kung saan ang isang biktima ay nakatanggap ng tawag mula sa hindi niya kakilala, base sa mga pulis.
Hiningi ng caller ang “vital information, including her bank account,” ng biktima at sinabing kapalit nito ang “unclaimed” COVID-19 cash aid, batay sa PNP.
Sakaling maharap sa kaduda-dudang sitwasyon kung saan hinihingi ang personal na impormasyon, agad na ipagbigay-alam sa pinakamalapit na police station.
-
Pagsuspinde sa barangay SK elections desisyunan na! – Comelec
UMAASA ang Commission on Elections (Comelec) na makakapagdesisyon na ang Kongreso hanggang katapusan ngayong Agosto kung sususpindehin ang Barangay at Sangguniang Kabataan Elections (BSKE) upang makapaghanda sila. Sinabi ni Election Chairman George Erwin Garcia na handa na silang humarap sa pagdinig na ipatatawag ukol sa BSKE kung sususpindehin ito o itutuloy sa Disyembre. […]
-
Payroll ng mga empleyado nananatiling ‘intact’ sa gitna ng napaulat na online banking fraud — DepEd
TINIYAK ng Department of Education (DepEd) na nananatiling “intact” ang payroll ng mga empleyado nito sa gitna ng insidente ng online banking scams na iniulat ng ilang mga guro. “[The] DepEd payroll system is intact. It was not hacked,” ayon kay Education Undersecretary for Finance Annalyn Sevilla sa isang video na naka-post sa […]
-
NCR nasa ‘moderate risk’ na – OCTA
NASA ‘moderate risk classification’ na muli ang National Capital Region (NCR) maging ang mga karatig-lalawigan na Rizal at Cavite dahil sa patuloy na pagbaba ng bilang ng mga bagong kaso ng COVID-19, ayon sa OCTA Research Group. Base sa COVID Act Now, sinabi ni OCTA fellow Dr. Guido David na nasa 23.01 kada […]