• February 28, 2024
  • Ang Diyaryong Pinagkakatiwalaan

PUNERARYA SA MAYNILA NA MAGPAPAHINTULOT NG INUMAN SA LAMAY, BABAWIIN ANG BUSINESS PERMIT

BABAWIIN ang business permit at hindi papayagan na mag-operate ang sinumang punerarya sa Lungsod ng Maynila na nagkakaroon ng oniman sa lamayan, ayon kay Manila Mayor Isko Moreno Domagoso.

 

Ang naturang babala ay sinabi ni Domagoso sa kanilang isinagawang lingguhang pagpupulong kasama ang mga Department Heads at mga opisyal ng Manila City Hall ngayong araw kung saan inatasan nito si Bureau of Permit Director Levi Facundo na abisuhan ang mga may-ari ng punerarya sa Maynila na huwag nilang payagan na magkaroon ng inuman sa kanilang pinagbuburulan gayundin ay huwag sumuway sa ipinapatupad na City Ordinance No. 5555 (Drinking in Public Place).

 

“Lahat ng punerarya na magpapainum (alak), we will revoke their permit kapag may nahuli tayo na nag-iinuman and violating City Ordinance 5555 sa lamay ng patay sa punerarya nila. This is non-negotiable, masyado silang nagre-relax,” ani Domagoso.

 

Nagbabala din si Domagoso sa mga opisyal ng Manila Police District (MPD) na sa oras na umikot siya sa lungsod ng Maynila at may naaktuhan itong may umiinum sa pampublikong lugar ay ipasisibak nito ang Station Commander at PCP Commander o Outpost Commander na nakasasakop nito.

 

“Ngayon Col. Domingo sabihan lahat ng istasyon, kapag ako umikot ng madaling araw, hatinggabi, o araw at ako mismo ang nakahuli violation of 5555 o inuman sa kalsada o public places sa Manila One-strike policy, tatanggalin natin yung Kernel, yung precinct commander, station commander, PCP or outpost ng area na yun,“ giit ni Domagoso.

 

Aniya, dapat mahigpit ana ipatupad ang nasabing ordinansa at hindi umano dahilan ang patay o birthday upang uminum sa mga pampublikong lugar. Isa sa mga dahilan ng pagkalat ng sakit na COVID ay ang pagtalsik ng laway na posibleng mangyari kapag nag-iinuman, nagpupulutan at nagkakakwentuhan ang mga manginginom sa kalye. (GENE ADSUARA)

Other News
  • Ads September 7, 2021

  • Pagkatalo ni 8-time World Champion Sen. MANNY, senyales na mag-retire na at umatras sa pagka-Pangulo

    HINDI inaasahan nang marami ang pagkatalo ni Sen. Manny Pacquiao sa laban nila ni Yordeni Ugas via unanimous decision.     Comment ng mga netizens, parang kulang na raw sa power ang suntok ni Manny. Hindi na rin daw masyadong mahusay ang ipinakita ni Manny sa laban.     Kung nanalo si Manny, yun ang kanyang […]

  • Panukalang pagsasama ng kasaysayan ng WWII sa higher education curriculum, aprubado

    INAPRUBAHAN  ng House Committee on Higher and Technical Education na pinamumunuan ni Rep. Mark Go (Baguio City) ang pinagsama-samang panukalang batas para sa pagsasama ng history subject sa higher education institutions (HEIs) ang kasaysayan ng ikalawang Pandaigdigang Digmaan.     Sa kanyang sponsorship speech, sinabi ni Pasig City Rep. Roman Romulo, awtor ng House Bill […]