Puring-puri sa online world: Full trailer ng ‘Firefly’ nina ALESSANDRA, nakakapanindig-balahibo

‘NAKAKAPANINDIG-BALAHIBO.’ 

Ganito kung ilarawan ng netizens ang full trailer ng pelikulang ‘Firefly’, ang official entry ng GMA Public Affairs at GMA Pictures sa 2023 MMFF na ipalalabas sa December 25  sa mga sinehan nationwide.

Puring-puri sa online world ang trailer dahil sa magandang cinematography at mga nakapupukaw na eksenang talaga namang punung-puno ng emosyon.

Very catchy rin kasi ang official movie soundtrack na “Alapaap” na kinanta ng bandang Dilaw.

Komento ng isang netizen, “The movie hits differently. Ang interesting ng plot. Grabe rin yung impact nung theme song — ganda ng rendition.”

Confident namang sinabi ng isang netizen na malayo ang mararating ng pelikulang ito, “Ipagpatuloy ninyo ito GMA Pictures at GMA Public Affairs ‘cause Firefly has a potential na makaabot sa international scene.”

Dagdag naman ng isa, “Goosebumps. Naiyak ako bigla. Must see!”

Directed by Zig Dulay, mapapanood sa pelikula ang mga bigating stars gaya nina Alessandra de Rossi, Miguel Tanfelix, Ysabel Ortega, Max Collins, Cherry Pie Picache, Epy Quizon, Yayoy Aguila, Kokoy de Santos, child star Euwenn Mikaell, at iba pang naglalakihang artista. May special participation din dito si Kapuso Primetime King Dingdong Dantes.

Mark your calendars, mga Kapuso, at sabay-sabay nating tuklasin ang mundo ng mga alitaptap ngayong Pasko.

***

PUMANAW na ang director ng isa sa kauna-unahang soap drama sa Philippine television na Anna Liza na si Direk Hermenegildo “Gil” Soriano.

Ang anak ni Direk Gil na si Gia Soriano ang nagkumpirma nito noong nakaraang December 6 sa social media.

“Hello, it took me a while to write about this, but my father–Director Hermenegildo “Gil” Soriano–passed away. He wasn’t doing well already back in September, and was in critical condition around October – November. Still, we hope to make his last moments a time for him to be remembered for his contributions to the entertainment industry.”

Naging sikat na TV show sa GMA-7 noong 1980 hanggang 1985 ang Anna Liza na pinagbidahan noon ng award-winning child actress na si Julie Vega. Naging bahagi rin ng naturang shows sina Gloria Romero, Robert Arevalo, Daria Ramirez, Augusto Victa, Alicia Alonzo, Albert Martinez, Rey “PJ” Abellana, Leni Santos, Renato del Prado, Marissa Delgado, Delia Razon at Anita Linda.

Nagkaroon ng remake ang Anna Liza noong 2013 sa ABS-CBN na pinagbidahan nila Andrea Brillantes at Kyline Alcantara. Si Direk Gil din ang nagdirek ng ABS-CBN soap drama na Anna Luna (1989-1994) na bida si Margarita Fuentes at ang noontime variety show ng RPN-9 na Chibugan Na.

(RUEL J. MENDOZA)