Rescue ng Badjao, Aeta sa kalsada inumpisahan na ng DSWD
- Published on November 22, 2022
- by @peoplesbalita
HINDI lang ngayong Pasko, kundi buong taon na tutulungan ng Department of Social Welfare and Development (DSWD) ang mga Badjao at Aeta para hindi na hihingi ng limos sa mga lansangan.
Simula noong Nobyembre 18, aabot na sa 100 Badjao mula Mindanao ang na-rescue ng ahensya sa Metro Manila pa lamang.
Ayon kay DSWD Sec. Erwin Tulfo, hindi lang basta papauwiin sa kanilang lugar ang mga Indigenous People (IP) na ito kundi bibigyan na sila ng pangkabuhayan.
“Dati-rati kasi bibigyan lang sila ng pagkain, bibilhan ng ticket ng barko, at bibigyan ng barya-barya at saka pauuwiin,” ani Tulfo.
Ayon kay Sec. Tulfo, “you do not solve their problem. Ang problema wala silang makain sa kanilang lugar dahil wala silang hanap buhay o pinagkakakitaan kaya pabalik-balik sila dito sa NCR o malalaking lungsod para magpalimos.”
Sampung libong piso bawat pamilya ng IPs na nare-rescue ngayon ang ibinibigay ng DSWD bilang puhunan nila pagdating sa kanilang lugar.
Bukod sa puhunan, binigyan din ng food pack, family at hygiene kits ang bawat pamilya.
“Ito ang isa sa mga pinatututukan ng Pangulong BBM na bigyan mg pangkabuhayan ang mga IPs para hindi na nagpapalimos pa sa kalsada,” ayon sa kalihim.
Ayon naman kay DSWD Standard Bureau Usec. Denise Bragas, na siyang nangangasiwa sa rescue operations ng IPs sa lansangan, isusunod na nila ang mga street children.
“In coordination po with the LGU, mga bata na palaboy ang isusunod naman na ng DSWD,” ayon kay Usec. Bragas.
Dagdag pa niya, “ang utos po sa amin ni Sec. Tulfo, kapag tatlong beses ng nare-rescue ang bata sa lansangan, hindi na po namin isosoli sa magulang nila bagkus gobyerno na po ang magpalaki at magpapa-aral sa kanila”. (Daris Jose)
-
17 atleta na ang isasabak ng Pinas!
Opisyal nang maglalaro sina 2021 US Women’s Open champion Yuka Saso at Bianca Pagdanganan sa Olympic Games sa Tokyo, Japan. Pumuwesto si Saso sa No. 9 habang No. 42 si Pagdanganan sa listahan ng International Golf Federation (IGF) para sa 60 women golfers na papalo sa Tokyo Olympics sa Hulyo 23 hanggang Agosto […]
-
MM, mahihirapan ng manatili sa ilalim ng MECQ-Sec. Roque
SINABI ni Presidential spokesperson Harry Roque na mahihirapan ng manatili sa ilalim ng modified enhanced community quarantine (mecq) ang Metro Manila pagkatapos ng Agosto 18. Ito’y dahil, patuloy na nauubos na ang resources ng pamahalaan para tugunan ang coronavirus pandemic. “The government no longer has resources to provide aid to poor families in the capital […]
-
Pinas, masusing nakasubaybay sa US presidential race — Amb. Romualdez
MAHIGPIT na nakasubaybay ang Pilipinas sa US presidential para kagyat na makita ang anumang pagbabago sa liderato bilang oportunidad na baguhin ang pagpapalakas ng alyansa sa pagitan ng dalawang bansa. Pinaigting naman ang security engagements sa pagitan ng defense treaty allies sa ilalim ni US President Joe Biden at sa counterpart nito na si Pangulong […]