Robredo: ‘Dapat matapos ang pagbabakuna sa lahat ng Pilipino bago mag-2023’
- Published on February 12, 2021
- by @peoplesbalita
Hinimok ni Vice President Leni Robredo ang mga opisyal ng pamahalaan na sikaping mapabilis ang pagtuturok ng COVID-19 vaccines sa buong populasyon ng bansa.
Pahayag ito ng pangalawang pangulo matapos sabihin ng Department of Health (DOH) na posibleng abutin pa ng 2023 bago maturukan ng bakuna ang lahat ng Pilipino.
“Dapat ‘yong goal natin better than 2023. Nakakapag-alala ‘yon kasi as of now, ang daming naghihirap na mga Pilipino, ang dami nang nawalan ng trabaho, so dapat ‘yong goal natin the faster na mabakunahan ang mas maraming tao,” ani Robredo.
“Dapat gan’on. Para mas mabilis na makaka-recover ‘yong economy natin. So dapat pagtulung-tulungan talaga natin.”
Sa isang panayam, sinabi ni Health Usec. Maria Rosario Vergeire na plano ng gobyernong mabakunahan ang target na populasyon pagdating ng 2023.
“So that we have that wide margin if in case the delivery will not be on time,” ayon sa DOH official sa panayam ng ANC.
Ayon sa bise presidente, handa siyang magpaturok ng bakuna para mahikayat ang mga Pilipinong tumanggap ng COVID-19 vaccine.
Ito ay kahit mayroong itinakdang priority list ang gobyerno para sa mga unang matuturukan ng bakuna.
“Mayroong inilabas na ‘yong IATF na parang prioritization. Susundin natin ‘yon. Ang priority natin, healthcare professionals at elderly.”
“Pero kung kinakailangan na magpabakuna tayo una, in public, para ma-encourage ‘yong tao magpabakuna gagawin natin ‘yon.”
-
Mga nasawing bata sa Ukraine simula nang salakayin ito ng Russia, umabot na sa 71; mahigit 100 indibidwal, sugatan
UMABOT SA 71 ang bilang ng mga batang nasawi habang nasa mahigit 100 naman ang nasugatan sa Ukraine simula nang salakayin ito ng Russia noong Pebrero 24. Inihayag ito ng isang Ukrainian parliament official na si Lyudmyla Denisova kasunod ng ginawang pambobomba umano ng Russia sa isang children’s hospital sa Mariopol City sa […]
-
Biglang nadamay si Alden sa balitang breakup: SAM at CATRIONA, kumpirmadong may pinagdaraanan na sana’y ma-resolve pa
KINUMPIRMA na ng Cornerstone Entertainment, ang talent management nina Sam Milby at Miss Universe 2018 Catriona Gray, na may pinagdaraanan ang engaged couple. Ginagawa raw nila ang lahat para maayos ang anumang problema na hinaharap ng magkarelasyon. Ayon sa official statement, “We at the Cornerstone, as the talent management agency representing […]
-
Enrollment para sa SY 2023-2024, nananatiling mababa-DepEd
NANANATILING mababa ang enrollment para sa kasalukuyang school year. Base ito sa pinakabagong data mula sa Department of Education (DepEd). “As of Friday, Sept. 15,” makikita sa data mula sa Learner Information System (LIS) para sa school year 2023-2024 na umabot pa lamang sa 26,895,079 ang kabuuang bilang ng registered students […]