Sa 7th birthday ng bunso na si Luna: JUDY ANN, nakita na rin si GLADYS after five years at nag-Tiktok pa

KAYBILIS ng panahon, pitong taon na ang bunsong anak nina Judy Ann Santos at Ryan Agoncillo na si Luna Agoncillo.

At dahil itinuturing na milestone ang edad na pito ng isang bata, isang masayang children’s party ang ginanap sa Dreamplay sa Parañaque kung saan nag-enjoy ang mga bisita, bata man  o matanda sa masayang games, masarap na pagkain at kasiyahan buong araw nitong January 7.

At siyempre dahil hindi pa naman tapos ang pandemya ay sumailalim sa mandatory antigen test ang lahat ng dumalo sa party para naman safe sa virus.

In full force ang pamilya on both sides ni Luna, ang mga Santos at ang mga  Agoncillo.

May mga palaro na nagpasayang lalo sa mga bisita; may Bring Me game at Marshmallow Eating contest kung saan wagi si Lucho Agoncillo na kuya ng birthday girl.

May tissue paper wrapping contest din kung saan naglaban-laban sina si Juday with Luna, si Gladys Reyes with bunsong Gavin at isang non-showbiz mom na siyang nagwagi sa pagbabalot sa kanyang anak.

Bisita rin ang DreamWorks characters na sina Shrek at Fiona, Kung Fu at Trolls characters na dinumog ng mga kids para sa photo op.

Highlight rin ng party ang hula hoop contest nina Mara at Clara, este Juday at Gladys, with Ciara Sotto and Iya Villania.

Speaking of Mara and Clara, alam niyo bang limang taong hindi nagkita ng personal sina Juday at Gladys?

Bago pa man ang pandemya ay may plano na silang mag-bonding pero hindi natuluy-tuloy dahil sa pareho silang busy, hanggang sa inabot na sila ng pandemya ng COVID-19 kaya lalong hindi sila nagkita.

At sa party nga ni Luna, sa wakas ay nagkita ang magkaibigan at magkumareng Juday at Gladys.

At may bonus, nakumbinsi ni Gladys na mag-Tiktok silang dalawa ni Judy Ann sa labis na katuwaan ng mga nakapanood.

***

MAY clamor ang mga netizens na i-remake ng GMA ang phenomenal hit na ‘My Husband’s Lover.’

Umere at pinag-usapan ng husto noong 2013 ang MHL na pinagbidahan, as gay lovers, nina Dennis Trillo at Tom Rodriguez.

Pero ngayon, ang request ng mga fans ay sina Royce Cabrera at Kokoy de Santos ang magbibida.

Bagay kasi ang dalawa sa ganitong tema lalo pa at successful ang pelikula nila noong 2019, ang ‘Fuccbois’.

At magiging mas madali dahil parehong nasa GMA Network bilang mga Sparkle artist sina Royce at Kokoy.

Kailan ba ang reunion nila ni Kokoy, ang tanong namin kay Royce kamakailan.

“Hopefully this year, sana magkasama kami, ‘noh?

“Sana mabigyan kami ng pagkakataon na magtrabaho pareho at magsama sa isang serye o pelikula,” ang sagot sa amin ni Royce.

Pero sa ngayon raw ay wala pang alam si Royce na nilulutong proyekto para sa kanila ni Kokoy.

 “Pero iyon, hindi pa namin alam kung ano yung pinaplano ng tadhana para sa amin, pero sana, sana magkasama ulit kami.”

(ROMMEL L. GONZALES)