Sa isang nakadudurog sa puso na episode: SANYA, pinuri ng maraming netizen dahil sa mahusay na pagganap

MULA sa pagiging hardcourt heartthrob ay nag-full time na sa kanyang showbiz career si Prince Carlos.

After ma-launch bilang isa sa Boys of Summer ng Sparkle, sunud-sunod ang projects ng future Kapuso leading man.

Kabilang sa mga ginagawa ni Prince ay ang isang special episode with Roxie Smith para sa 3rd anniversary ng Regal Studio Presents titled “Remboy Dreamboy. ”

Naging suki na raw si Prince sa paglabas sa Regal Studio Presents, kaya masaya itong nakasama sa special episode para sa anniversary nito.

“I was still studying and playing basketball nung kinukuha nila ako mag-guest. Kaya parang extended family ko na sila sa showbiz like GMA. Ngayon full time na tayo sa showbiz, I will do my best parati,” sey ng former NCAA player from De La Salle-College of Saint Benilde.

Kasama rin si Prince sa upcoming afternoon teleserye na Mommy Dearest. Sa suspense-drama thriller na ito, makakatambal niya si Shayne Sava.

“Big opportunity for me to work again with Shayne and with these respected veteran stars. Marami po ako matutunan sa kanila.”

Kasama rin sa Mommy Dearest sina Camille Prats, Katrina Halili, Dion Ignacio, Amy Austria, Winwyn Marquez, Mel Martinez, Riel Lomadilla at Viveika Ravanes, sa ilalim ng direksyon ni Ms. Gina Alajar.

***

PINURI si Sanya Lopez ng maraming netizen dahil sa mahusay na pagganap niya bilang si Teresita sa ‘Pulang Araw.’

Sa isang nakadudurog sa puso na episode, nasaksihan ni Teresita ang sinasapit ng mga kapwa niya Pilipina na ginawang comfort women ng mga mapang-abusong mga Hapones.

Pinaghandaan daw ni Sanya ng husto ang kanyang sarili para sa mabigat na eksena kunsaan magiging comfort woman din siya.

“Yung pinaka-challenging talaga sa akin, paano ko maipaparamdam ‘yung character ko, ‘yung mga pinagdaanan ng mga comfort women. Hindi dahil gusto ko iparamdam sa inyo, kung hindi para mas maintindihan natin sila, mas maunawaan natin sila at mas irespeto natin ‘yung mga kababaihan.“

***

SA pamamagitan ng two-part documentary na “Karma: A Daughter’s Joruney,” siniwalat ng 26-year old daughter ng convicted R&B singer R. Kelly na si Buku Abi na inabuso siya sexually ng kanyang sariling ama nung 8 years old siya.

Ayon kay Buku: “For a long time, I didn’t even want to believe that it happened. I didn’t know that even if he was a bad person that he would do something to me. I was too scared to tell anybody.

After I told my mom (Drea Kelly), I didn’t go over there anymore. Even up until now, I struggle with it a lot.”

Kahit na nung mag-file ang ina ni Buku ng complaint laban kay Kelly, walang nangyari dahil itinanggi ito ng singer.

Kaya laking tuwa ng mag-ina nung ma-convict si Kelly noong 2019 para makulong for 20 years for child pornography and sex trafficking.

Nakilala si R. Kelly dahil sa 1996 hit song niyang “I Believe I Can Fly. ”

(RUEL J. MENDOZA)