Sa mga business ventures niya: YSABEL, naa-appreciate ang walang humpay na suporta ni MIGUEL
- Published on December 15, 2023
- by @peoplesbalita
ISA si Ysabel Ortega na marunong mag-invest sa negosyo upang mas mapalago pa ang kinikita sa pag-aartista.Hindi pa natatagalan noong nagbukas ng sarili nilang branch ng NAILANDIA nail salon and spa sa Il Terrazo, sina Ysabel, Sophia Senoron at Elle Villanueva, heto at nagbukas naman si Ysabel ng bakeshop na kasosyo ang ina niyang si Michelle Ortega, ang Maria Ysabel’s Cakes and Pastries.
At tulad sa opening nila ng NAILANDIA, dumalo muli sa opening ng bakeshop ni Ysabel sina Miguel Tanfelix at Raphael Landicho na mga co-stars ni Ysabel sa ‘Voltes V: Legacy’.
Appreciated ni Ysabel ang walang humpay na suporta sa kanya ni Miguel sa mga business ventures niya.
“It means a lot, of course. Kasi siyempre, in everything naman masaya kung may support system ka,” saad pa ni Ysabel.
“With Miguel, very supportive siya sa akin. May mga nights na nagkukuwento ako sa kanya, tapos palagi siyang may words of encouragement and nakita naman din na very supportive siya.
“So, very grateful. Sobrang appreciative ako sa kanya,” dagdag na sinabi pa ni Ysabel.
Si Marian Rivera ang celebrity endorser ng NAILANDIA.
Isa nga si Marian sa mga natuwa nang nalaman nitong may branch na sina Ysabel, Elle, at Sophia.
Sa isang pakikipag-usap namin sa NAILANDIA owner na si Noreen Divina, nabanggit niya sa amin na matagal na rin palang gusto ni Marian na magbukas ng sarili nitong branch pero naghahanap pa raw ang GMA Primetime Queen ng magandang puwesto.
“She’s planning na talaga.
“Before nag-apply kami sa Rockwell,” kuwento sa amin ni Noreen, pero wala raw silang nakitang bakanteng puwesto.
“But when I told Marian na sina Ysabel, sina Sophia at Elle mag-put up ng Nailandia. Sabi niya, ‘Ms. Noreen, hindi pa tapos yung plan ko, ha? Still trying to look for a nice place for me.’
“Sabi ko, ‘Yes tuloy pa tayo.’”
Still on Ysabel, mapapanood ang Sparkle actress sa ‘Firefly’ ng GMA na entry sa Metro Manila Film Festival ngayong Disyembre 25, sa direksyon ni Zig Dulay.
Nag-aaral rin ngayon si Ysabel ng kursong Law.
(ROMMEL L. GONZALES)
Other News
-
Ads September 9, 2021
-
DBM naglabas na ng P3 bilyong pondo para sa fuel subsidy sa sektor ng transportasyon
INAPRUBAHAN na ni Department of Budget and Management (DBM) Secretary Amenah F. Pangandaman ang paglabas ng P3 bilyong pondo para sa implementasyon ng Fuel Subsidy to the Transport Sector Affected by Increasing Fuel Prices o ang Fuel Subsidy Program (FSP)], na layong bigyan ng ayuda ang mahigit 1.36 milyong drayber at operator na apektado ng […]
-
PBA legend Chito Loyzaga napiling chef de mission ng 32nd SEA Games
NAPILI bilang maging chef de mission ng 32nd Southeast Asian Games sa Cambodia ang beteranong PBA player na si Chito Loyzaga. Sinabi ni Philippine Olympic Committee (POC) President Rep. Abraham “Bambol” Tolentino, na makakasama nito si sambo association Paolo Tancontian at canoe-kayak head coach at international technical official Leonora “Len” Escollante bilang magiging […]