Sa pagtatapos ng dalawang shows sa GMA: CARMINA, gulat sa balitang lilipat na kasama sina MAVY at CASSY

SA pagtatapos ng ‘Abot Kamay na Pangarap’ sa October 19 sa GMA, may bulung-bulungan na ikalawang show ito ni Carmina Villarroel na mawawala na sa ere sa Kapuso Network.

May tsikang mamaaalam na rin ang isa pang show ni Carmina, ang Sarap, ‘Di Ba? kung saan host sila ng mga anak niyang twins na sina Mavy at Cassy Legaspi.
Natanong si Carmina tungkol dito…

Lahad niya, “Siguro pahinga muna. Pahinga muna.

“Kasi yung meron kaming movie ni Allen [Dizon]. Actually, we started na.

“Nag-one-day shoot na kami dito, but by November, we’ll be flying to Canada tapos doon kami magsu-shoot ng movie.”

“Pero for shows, probably baka next year na.”

Hindi kinumpirma o itinanggi ni Carmina ang tungkol sa pamamaalam rin ng cooking show nila ng mga anak niya.

Pero totoo ba ang napapabalitang lilipat siya sa ibang TV Network?

“Ang bilis naman,” bulalas ni Carmina.

“Ewan ko ba. Ang bilis naman ng mga usap-usapan.”

Pati raw sina Mavy at Cassy ay kasama niyang mag-o-ober da bakod?

“Ay, hmmm… alam mo naman ako, di ba? “Hangga’t wala pa, ayoko naman mag-ano.

“Pero like I said, I just wanna take my time sa ngayon.

“Parang I just want to take… Parang one day at a time. Parang ganun.

“So since I’m still taping, nagti-taping pa naman, dito muna ang concentration ko.

“And then magpapahinga muna ako.”

May ilang araw pa silang natitirang taping for ‘Abot Kamay Na Pangarap.

Ayon pa kay Carmina, habambuhay siyang grateful sa pakikipagtrabaho niya sa GMA.

Ayon pa rin sa actress/TV host, hindi niya tatanggihan ang iba pang mga pagkakataon na na darating sa kanya.

And marami namang artista ang palipat-lipat ng TV Network, kung sakali, kung sakali ngang lilipat siya, ay hindi si Carmina ang unang gumawa nito.

“Yes. Oo. Kasi parang ako, I’ve been in this business more than half of my life.

“So parang ang lesson, isa sa mga lessons na natutunan ko, never burn bridges, because maliit lang ang mundo natin.

“Mukha lang siyang malaki. Pero maliit lang ang mundo natin.

“So basta sa ngayon, dito lang ako. Kalma lang ako dito.

“And then we’ll see. We’ll see,” ang nakangitng wika pa ni Carmina.

(ROMMEL L. GONZALES)