San Miguel umeskapo sa Blackwater sa overtime
- Published on July 12, 2022
- by @peoplesbalita
HINDI inasahan ng San Miguel na mahihirapan silang iligpit ang Blackwater.
Kinailangan ng Beermen ng extra period para lusutan ang Bossing, 110-107, at patuloy na solohin ang liderato ng 2022 PBA Philippine Cup kahapon sa Smart Araneta Coliseum.
Umiskor si six-time PBA MVP June Mar Fajardo ng anim sa kanyang 25 points sa overtime para sa pang-limang sunod na ratsada ng San Miguel.
Pinalakas rin nila ang pag-asa sa isa sa dalawang ‘twice-to-beat’ incentive sa quarterfinals.
“I know this team will be tough to beat come the playoffs,” sabi ni coach Leo Austria na nakahugot rin ng 25 markers kay Jericho Cruz. “We’re lucky we’re able to pull off a win in overtime.”
Nagdagdag si CJ Perez ng 23 points, habang may 17 markers si center Moala Tautuaa.
Nahinto naman ang apat na sunod na arangkada ng Blackwater para sa 5-2 marka.
Humataw si Rashawn McCarthy ng 22 points para sa Bossing na nakabangon mula sa 21-point deficit, 65-86, sa pagsisimula ng fourth period para agawin ang 95-92 abante sa 2:15 minuto nito.
Iginiya ni Cruz ang Beermen sa extension, 97-97, mula sa isialpak na floater.
Nagsanib-puwersa sa overtime sina Fajardo at Tautuaa para ilayong muli ang San Miguel sa 106-101 sa huling 54 segundo.
Ngunit hindi sumuko sina Baser Amer at JVee Casio matapos magsalpak ng magkasunod na triples para sa 107-108 agwat ng Blackwater sa nalalabing pitong segundo.
Tuluyan nang sinelyuhan ni Fajardo ang panalo ng Beermen sa kanyang dalawang free throws.
Tumipa si Rey Suerte ng 18 points para sa Bossing at may 17, 15 at 11 markers sina Amer, Casio at Brandon Ganuelas-Rosser, ayon sa pagkakasunod.
-
Hindi pa rin interesado na tumakbo bilang bise-presidente sa Eleksyon 2022
“I am still not interested.” ito ang naging pahayag ni Senador Bong Go matapos tanggapin ni Pangulong Rodrigo Roa Duterte ang pag-endorso sa kanya ng ruling party PDP-Laban na tumakbo bilang bise-presidente sa Eleksyon 2022. Sa isang video message, sinabi ni Go na nakatutok siya sa kanyang tungkulin bilang senador upang tulungan ang […]
-
KAILANGAN ang MALINAW na POLISIYA sa PAGSUOT ng FACE SHIELD sa PUBLIC TRANSPORT!
Ordinansa ng mga LGU na nagmumulta o nagpapataw ng parusa sa walang faceshield. Kailangan ba? Nabuksan ulit ang issue ng mandatory na pagsusuot ng faceshield nang mag-viral ang panghuhuli ng ilang enforcers sa mga pasahero ng bus kung saan ay pinababa ang mga pasahero at minultahan ang mga ito base sa isang ordinansa. […]
-
10-day national mourning sa buong bansa idineklara ni PBBM dahil sa pagpanaw ni FVR
IDINEKLARA ni Pangulong Ferdinand Marcos Jr, ang 10 araw na national day or mourning bilang pagdadalamhati sa pagpanaw ni dating Pangulong Fidel V. Ramos. Dahil dito ilalagay ang bandila sa half-mast sa lahat ng mga buildings kasama ang mga installations ng bansa sa ibang bansa. Batay naman ito sa Proclamation No. […]