Sara-Gibo tandem sa 2022 lumutang
- Published on June 5, 2021
- by @peoplesbalita
Lumutang ang posibleng tandem nina Davao City Mayor Sara Duterte at dating Defense Secretary Gilberto “Gibo” Teodoro sa May 2022 national elections matapos lumipad kahapon patungong Davao City ang huli at makipagkita sa presidential daughter.
Ito’y sa gitna na rin ng ugong ng balak na pagtakbo umano ni Sara sa presidential race.
Si Teodoro ay sinamahan ni dating 1st District Camarines Sur Rep. Rolando Andaya na nagpost pa ng mga larawan sa social media.
“On my way with my vice president to meet my president. Done deal folks,” saad ni Andaya sa caption ng dalawang litrato na nagpapakitang kasama nito si Teodoro sa eroplano. Sa isa pang larawan ay kasama na nila si Inday Sara.
Sinabi ni Andaya na pinag-usapan nina Teodoro at Inday Sara kung paano masosolusyunan ang pandemyang dulot ng COVID-19 at kung paanong makakaahon ang ekonomiya ng bansa.
“‘Yung done deal na sinasabi ko, sa isip ko ‘yun. Dahil itong tandem na ito, napanaginipan ko lang ‘yun na mangyayari ito at nangyari na nga,” ani Andaya.
Aminado naman si 2nd District Albay Rep. Joey Salceda na maraming mga bigatin sa pulitika ang bumibisita sa presidential daughter sa Davao City.
“All roads lead to Davao for 2022 May national elections,” ani Salceda.
Kabilang sa mga bumisita kay Inday Sara sa pagdaraos nito ng kaniyang ika-43 taong kaarawan noong Lunes ay sina dating Senador Ferdinand “Bongbong” Marcos at House Speaker Lord Allan Velasco. (Daris Jose)
-
PSC, umapela na sa kongreso at senado sa pagkokonsidera ng COMELEC sa mga SEA GAMES athletes sa local absentee voting
Umaasa ang Philippine Sports Commission na magagawan pa ng paraan ng Commission on Elections upang makaboto ang mga atleta at coaches na makikilahok sa Southeast Asian Games na gaganapin sa Hanoi, Vietnam. Nauna nang nagpatupad at nag-abiso ang COMELEC sa PSC na ang mga national athletes na lalahok sa SEA Games sa May […]
-
PH rescue team na ipinadala sa Turkey, binigyan ng ‘heroes welcome’ sa muling pagbabalik sa bansa
BINIGYAN ng isang “heroes welcome” ang Philippine contingent na ipinadala sa Turkey para tumulong sa disaster response sa mga biktima ng malakas na lindol doon. Kasabay ito ng muling pagbabalik sa Pilipinas ng 82 miyembro ng search and rescue team na ipinadala ng pamahalaan sa nasabing bansa para sa isang mahalagang misyon. […]
-
Balik directing na sa Viva Films: XIAN, excited na ipapanood ang upcoming movie niya
BALIK directing ang hunk Kapuso actor na si Xian Lim and this time ay para sa Viva Films. Si Xian mismo ang nag-announce nito sa pamamagitan ng kanyang Instagram account tungkol sa upcoming project niyang “Kuman Thong.” Ang Kuman Thong ay isang bagay na naglalaman raw ng makapangyarihang espiritu ng bata. Lahad […]