Sekyu kulong sa pagbabanta at panunutok ng baril sa kinakasama
- Published on January 16, 2024
- by @peoplesbalita
KALABOSO ang 39-anyos na sekyu matapos tutukan ng baril at hablutin ang buhok ng kanyang kinakasama nang maibigay ang ginang ng perang pambili nila ng pagkain sa Valenzuela City, kamakalawa ng gabi.
Kinilala ni Valenzuela police chief P/Col. Salvador Destura, Jr. ang naarestong suspek na si alyas “Aguilar” ng Brgy. Pasolo na nahaharap sa mga kasong paglabag sa R.A. 9262 o Anti-Violence Against Women and Their Children Act of 2004, at R.A. 10591 o ang Comprehensive Firearms and Ammunition Regulation Act.
Sa imbestigasyon nina P/SSg. Julius Congson at P/CMS Laerma Sarmiento, tinutukan ng baril ni Aguilar ang kanyang live-in partner na si alyas “Marian”, 44, nang magtalo sila matapos hindi makapagbigay ng perang pambili ng pagkain ang ginang.
Hindi pa nasiyahan, hinatak ng suspek ang buhok ng ginang at sinabihan ng katagang “Magpok-pok ka na lang, kikita ka pa ng P1,500 kada araw,” bago hinila na palabas ng bahay para palayasin.
Nagtungo naman sa kanyang tindahan ang ginang subalit sinundan pa rin siya ng suspek saka tinakot na “Gusto mo paghiwalayin ko ang katawan mo? Itago ko ang ulo mo?”.
Dito na humingi ng tulong ang biktima kina P/SSg Cherry Signap at Pat Jonas Villaflor ng Malitan Police Sub-Station 4 na nagresulta sa pagkakaaresto sa suspek.
Nakumpiska sa suspek ang isang kalibre .9mm pistola na may walong bala na nakalagay na magazine na nakasukbit pa sa kanyang baywang gamit ang isang holster. (Richard Mesa)
-
Zamboanga City, kampeon sa Chooks-to-Go Pilipinas 3×3 Presidents Cup
NAKUHA ng Zamboanga City ang kampeonato sa 2020 Chooks-to-Go Pilipinas 3×3 President’s Cup. Ito ay matapos talunin nila ang Nueva Ecija Rice Vanguards sa score na 22-19. Bumida sa panalo ng Zamboanga sina Joshua Munzon at Alvin Pasaol na kapwa nagtala ng tig-7 points. Bukod sa tituloy ay nag-uwi ang koponan ng […]
-
Bakuna sa 12-anyos pababa isusunod na ng DOH
Pinag-aaralan na rin umano ng Department of Health (DOH) ang posibleng vaccination kontra COVID-19 sa mga bata na mas bata pa sa 12-taong gulang makaraang mag-umpisa na ito sa mga adolescents. “Yes, considering nasa ibang bansa na below 12 [years old]. Hihintayin natin ang resulta ng pag-aaral,” ayon kay Health Undersecretary Myrna Cabotaje. […]
-
Nakatutuwa ang mga description ni Yasmien: ALDEN, magulo na makulit at sobrang madaldal naman na si BEA
NAKATUTUWA ang mga description ni Yasmien Kurdi kina Alden Richards at Bea Alonzo na mga katrabaho niya sa ‘Start-Up PH.’ “Magulo, hindi niyo alam na magulo siya sa set,” unang sinabi ni Yasmien tungkol kay Alden. “Makulit. Kung ano yung pino-portray niya… nagulat ako na hindi pala siya ganun. “Makulit si Alden. […]