Senador Koko Pimentel, walang bilang sa partido
- Published on August 31, 2021
- by @peoplesbalita
NANANATILING chairman ng ruling Partido Demokratiko Pilipino–Lakas ng Bayan (PDP-Laban) si Pangulong Rodrigo Roa Duterte.
Kaagad na nagpalabas ng kalatas si PDP-Laban secretary-general Melvin Matibag matapos na iboto ng paksyon na pinangungunahan ni Senador Manny Pacquiao si elected Senator Aquilino “Koko” Pimentel III bilang party chair, sinasabing para palitan si Pangulong Duterte.
Inilarawan naman ni Matibag ang bagong development na ito na isang “comedy”, sabay sabing si Pimentel, na ang namayapang ama na i Aquilino Jr. PDP-Laban founder, ay hindi kumakatawan sa partido.
“It’s a comedy. Sen. Koko Pimentel has no position in the PDP Laban. He is irrelevant and he does not represent the party. His group are pretenders and are attention seekers,” ani Matibag.
Iginiit nito na si Pangulong DUterte pa rin ang nananatiling chairman ng ruling party.
“President Rodrigo Roa Duterte is the PDP Laban party chairman. He remains to be so and will continue to be so,” dagdag na pahayag nito.
Sinabi naman ni PDP-Laban executive director Ron Munsayac na ang “original” PDP-Laban ay naghalal ng bagong party officials sa isang national council, Linggo ng tanghali.
Sa isang text message, si dating Eastern Samar governor Lutgardo Barbo ang nahalal naman bilang vice-chair.
Buwan ng Hulyo ng taong kasalukuyan, pinatalsik ng grupo ni Secretary Alfonso Cusi si Pacquiao bilang PDP-Laban president at pinalitan ito ng Department of Energy chief.
Nagpahayag kasi si Pacquiao na may korapsyon sa administrasyon dahilan para hamunin siya ng Pangulo na maglabas ng solidong pruweba na magpapatunay sa kanyang alegasyon.
Sinabi pa ng Pangulo na hindi makapaghintay si Pacquiao na pangalanan bilang presidential bet ng partido. (Daris Jose)
-
Gatchalian may malaking papel na gagampanan bilang Kalihim ng DSWD
KUMPIYANSA si Cavite Rep. Elpidio “Pidi” Barzaga, Jr., sa gagampanang papel ni Valenzuela Rep. Rex Gatchalian bigang bagong talagang kahilim ng Department of Social Welfare and Development DSWD). Ayon kay Barzaga, ito ay bunsod na rin sa maayos na record ng mambabatas na nagsilbing local chief executive at kongresista. Nagsilbi ng […]
-
PUBLIC SCHOOL STUDENTS, NABIYAYAAN NG CASH ASSISTANCE
NABIYAYAAN ng cash assistance ang may 935 public school students ng lokal na pamahalaan lungsod nitong Martes. Ito na ang ikalawang batch na cash assistance sa ilalim ng Educational Assistance Program (EAP) at naipamahagi sa koordinasyon ng Manila Department of Social Welfare (MDSW) sa San Andres Complex, Manila. Ayon sa Manila […]
-
International flights ‘wag nang idaan sa Manila – PBBM
HINDI dapat ipilit na dumaan pa sa Manila ang mga international flights na dumarating sa bansa, ayon kay Pangulong Ferdinand Marcos Jr. Sa kanyang talumpati sa grand opening ng bagong terminal building sa Clark International Airport sa Mabalacat City, Pampanga, sinabi ng Pangulo dapat dumiretso na ang biyahe sa mga pupuntahang lugar katulad ng Bohol, […]