Senator Gordon binatikos ang LTO

BINATIKOS ni Senator Richard Gordon ang Land Transportation Office (LTO) dahil sa pagkabigo nitong ipatupad ang Republic Act 11235 o ang tinatawag na Motorcycle Crime Prevention Act na ginawang batas tatlong (3) taon na ang nakakalipas.

“The first batch of license plates for motorcycles was distributed on Aug. 27, 2020. The LTO still needs to produce 18 million motorcycle plates by June 2022,” wika ni Gordon.

Ang RA 11235 ay isang batas na naglalayon na maiwasan at maparusahan ang paggamit ng motorcycles sa paggawa ng krimen sa pamamagitan ng paglalagay ng mas malaking plaka na madaling mabasa at may color-coded na number plates.

Si Gordon ang siyang author ng nasabing batas at nagsabing nabigo ang LTO na mabigyan ng proteksyon ang mga riders at nakagawa ng injustice ang huli dahil paurong-sulong na pagpapatupad ng nasabing batas.

Pinagsabihan din niya ang LTO na ang pagkaantala ng pagpapatupad ng batas ay isang “unconscionable and inordinate delays” sa paglalabas ng mga motorcycle plates. Nabigo rin ang LTO na magtayo ng pinagsamang LTO-Philippine National Police Operations and Control Center.

“The implementation of the law has been delayed so the (Senate) Blue Ribbon committee was forced to call hearings to determine what caused the delays. Non-implementation of the law can have dire consequences for our people. Many suffered injuries or died because of this dereliction of duty,” dagdag ni Gordon.

Nakalagay rin sa provision ng batas na kailangan irehistro ng mayari ang kanyang motorcycle sa loob ng limang (5) araw pagkatapos niya itong mabili. At kung kanyang benenta ang motorcycle ay kailangan naman niyang ipagbigay alam sa LTO. Kung hindi marehistro sa loob ng 5 araw o di kaya ay hindi ipaalam ang pagbebenta, ang may-ari ay maaaring makulong at mabigyan ng multang hindi baba sa P20,000 subalit hindi lalagpas sa P50,000.

“If a motorcycle is used to commit a crime that constitutes a grave felony under the Revised Penal Code or to escape from the scene of the crime, the owner, driver, backrider or passenger will be slapped with reclusion temporal, a jail term that lasts for 12 years and one day to 20 years to reclusion perpetua, an imprisonment for 20 years and a day to 30 years,” ayon sa nasabing batas.

Kung ang nasabing motorcycle naman ay ginamit sa isang krimen na may less grave felony, ang nagkasala ay paparusahan ng prison correctional, ang jail term na may anim na buwan hanggang isang araw at 12 years, hanggang prison mayor na may jail term na anim na taon at isang araw hanggang 12 taon.

Ang isang driver naman na nagmamaneho ng isang motorcycle na walang number plate o readable number plate ay papatawan ng parusang prison correctional o magmumulta ng hindi baba sa P50,000 at hindi naman tataas ng P100,000 o maaaring parehas na penalty.

May mga motorcycle rider groups naman ay hindi sangayon sa pagpapatupad ng nasabing batas. Ayon sa kanila, ang nasabing batas ay discriminatory at nagbibigay agad ng impression na ang mga bikers ay kriminal. LASACMAR