SERIAL KILLER SA TONDO, FAKE NEWS– Manila Mayor Maria Sheilah “Honey” Lacuna-Pangan
- Published on April 20, 2023
- by @peoplesbalita
“FAKE news.”
Ito ang pahayag ni Manila Mayor Maria Sheilah “Honey” Lacuna-Pangan hinggil sa kumakalat na balita sa social media na may lumilibot na “serial killer” sa Maynila partikular na sa Tondo.
Sa ginanap na pulong balitaan sa Bulwagan Antonio Villegas sa Manila City Hall na pinangunahan nina Lacuna kasama sina Manila Police District (MPD) Director PBGen. Andre Dizon at MPD-Station 1 (Raxabago) Chief PLtCol. Rosalino Ibay Jr., nilinaw nila na walang katotohanan ang kumakalat na balita sa social media na may lumilibot na serial killer sa Tondo.
Iniharap sa mga mamamahayag ni Lacuna si Joel Justiniani alyas “Joel Blandy”, na na-tag bilang serial killer sa isang wanted poster na kumakalat sa internet ay inosente ayon sa pahayag ng mga saksi.
Kaugnay nito, iprinisinta naman nila ang suspek na si Jay-Jay Martelino alyas “Pusod” na naaresto ng mga tauhan ni LtCol. Ibay dakong alas-11:30 ng umaga nitong Miyerkules, Abril 12.
Si Marcelino ang itinuturong suspek sa pamamaril sa biktimang kinilalang si Ruel Yabao, 20, construction worker, ng Pastor St., Tondo nitong nakaraang Abril 9, dakong alas-12:20 ng madaling araw na nagresulta sa pagkamatay nito.
Ang isa pang gunman na si alyas “Ivan,” ay kasalukuyang pinaghahanap pa ng pulisya.
Kinokonsidera naman ni Lacuna na “case closed” na ang nasabing kaso ngunit tiniyak pa rin ng Alkalde ang kaligtasan ng publiko sa pamamagitan ng patuloy na police visibility sa lungsod.
Pinaalalahanan ni Mayor Honey Lacuna-Pangan ang publiko na huwag basta-basta maniniwala sa mga ipinopost sa social media, maging mapanuri at manatiling mapagbantay sa posibleng fake news gamit ang internet. (BISHOP JESUS “JEMBA” M. BASCO)
-
Naglabas na ng ‘Official Statement’: ARJO, nag-positive kaya isinugod agad sa hospital dahil sa pre-existing medical condition
NAGLABAS na ng Official Statement ang Feelmaking Productions Inc. tungkol sa isyung kinasasangkutan ngayon ni Arjo Atayde na nag-positive sa COVID-19 habang tinatapos ang bago niyang pelikula sa Baguio City. Sa pinadala na official statement ng Head of Production ng new film outfit na si Ellen Criste binigyan linaw nila ang kumalat na balita. […]
-
Pukpukan na sa UAAP 2nd round
PAPASOK na ang UAAP Season 84 men’s basketball tournament sa krusyal na second round. Kaya naman inaasahang mas magiging matinding bakbakan ang masisilayan dahil unahan na ang lahat ng teams para makapasok sa Final Four. Magsisimula ang second round bukas tampok ang salpukan ng reigning champion Ateneo at La Salle sa […]
-
Dahil sa mahusay na pagganap sa PH adaptation ng ‘The Housemaid’… KYLIE, tatanggap ng ‘Philippines Actress of the Year’ sa DIAFA Awards sa Dubai
PINUPURI ngayon ang Kapuso actor na si Juancho Trivino sa pagganap nito bilang si Padre Salvi sa historical portal fantasy series ng GMA na Maria Clara At Ibarra. Ang husay daw na kontrabida ni Juancho at bilang si Padre Salvi, kuhang-kuha raw nito ang pagiging mabangis at mapanakit na kura paroko na may […]