• June 21, 2024
  • Ang Diyaryong Pinagkakatiwalaan

Sinovac, inaasahang darating sa Pebrero 28- Malakanyang

INANUNSYO ngayon ng Malakanyang na inaasahan nilang darating na sa bansa sa araw ng Linggo, Pebrero 28 ang 600,000 doses na COVID-19 vaccines na dinonate ng China’s Sinovac Biotech.

 

Sinabi ni Presidential Spokesperson Harry Roque, kapag nangyari ito ay kaagad na ikakasa ang pag-rollout ng nasabing bakuna, kinabukasan, Marso 1.

 

“Inaasahan na darating sa araw ng Linggo, itong Linggong ito, ang Sinovac. Kaya excited na tayong lahat,” ayon kay Sec. Roque.

 

“Inaasahan at least ang pinaplano natin ay sasalubungin ng mga opisyal ang pagdating ng mga bakuna,” dagdag na pahayag nito.

 

Sinabi pa ni Sec.Roque na mangangailangan lamang ng isang araw ang pamahalaan para maghanda para sa pag-rollout ng bakuna matapos na dumating ito sa bansa.

 

“If it arrives on Sunday, if I’m not mistaken, then we can roll out on Monday dahil excited na ang maraming kababayan natin,” ani Sec. Roque.

 

Nauna rito, pinaggkalooban na ng Food and Drug Administration (FDA) ng emergency use authorization (EUA) ang Sinovac’s vaccine, ito ang pangatlong vaccine manufacturer na nabigyan ng EUA matapos ang Pfizer at AstraZeneca.

 

Sinabi ni FDA director general Dr. Eric Domingo na ang efficacy rate ng Sinovac ay pumapalo mula 65.3% hanggang 91.2% subalit umabot lamang sa 50.4% pagdating sa mga health workers na may COVID-19 exposure.

 

Ito ang dahilan kaya’t hindi inirekumenda ng FDA ang nasabing bakuna sa mga health workers.

 

“This should be administered by vaccination providers and to prevent COVID-19 in clinically healthy individuals aged 18 to 59 years old,” ayon kay Domingo.

 

Gayunpaman, nilinaw ni Domingo na ang mga health workers ay maaaring makapamili kung nais na mabakunahan ng Sinovac lalo pa’t gumawa lamang sila ng rekomendasyon kung anong grupo lamang ito nababagay.

 

“What we did was a recommendation… We don’t say that it’s not illegal or they’re not allowed to use it. We just say, if they’re gonna use it, they should know that the efficacy rate for health workers treating COVID-19 [patients] is at 50%,” ang pahayag ni Domingo.

 

Nauna rito, binigyang diin naman ni Roque na ang Sinovac ay “not a low quality vaccine” kahit pa ang dalawang iba pang COVID-19 vaccine brands ay nabigyan ng EUA at nakapagrehistro ng mataas na efficacy rate, na umaabot sa 70% hanggang 95%, at maaaring gamitin para sa mga health workers.

 

“It is not a low quality vaccine. It is better than no protection. Ang iniiwasan po talaga natin iyong pagkakasakit ng seryoso o nakamamatay,” ang dagdag na pahayag ni Sec. Roque sabay sabing pumasa ang Sinovac’s vaccine sa standards ng World Health Organization (WHO). (Daris Jose)

Other News
  • The cards have spoken. Meet the characters of the new horror film “Tarot”

    A group of friends decides to delve into the world of the occult and read their destiny through tarot cards, only to unleash an evil trapped within. Meet the characters trying to race against death and their foretold future in the new horror film Tarot: Haley (Harriet Slater) is a spiritualist that is navigating a […]

  • Pinas, isusulong ang ‘international certifications’ para sa 9M green jobs para sa mga pinoy

    SINABI ng gobyerno ng PIlipinas na agresibo nitong tatrabahuhin ang international certifications para sa target na 9.0 million “green jobs” sa bansa sa pamamagitan ng  “planned upskilling at right-skilling” ng mga manggagawang filipino upang sa gayon ay agad silang makakuha ng trabaho hindi lamang sa clean energy sector ng Pilipinas kundi maging sa buong mundo.  […]

  • Castro sumapi sa 8K pts club

    NAGING pang-anim na aktibong player sa 45th Philippine Basketball Association (PBA) 2020 Philippine Cup eliminations bubble sa Angeles University Foundation Sports Arena and Cultural Center sa Pampanga na pumukolng 8,000 career points si Jayson Castro William ng Talk ‘N Text.   Ipinahayag nitong Martes ni professional league chief statis- tician Fidel Mangonon III, na ang […]