Sobrang blessed na nandito pa rin bilang Kapuso: DENNIS, hindi akalain na tatagal ng dalawang dekada

ASAHAN ang mas maraming groundbreaking performances mula sa award-winning actor at Kapuso Drama King na si Dennis Trillo, sa muli niyang pag-renew ng kontrata sa GMA Network na ginanap noong Oktubre 10.

Bahagi ito ng selebrasyon para sa kanyang ika-20 anibersaryo bilang Kapuso.
Pumirma para sa GMA sina Chairman at Chief Executive Officer Atty. Felipe L. Gozon, Presidente at Chief Operating Officer Gilberto R. Duavit, Jr., Executive Vice President at Chief Financial Officer Felipe S. Yalong, at Senior Vice President para sa Entertainment Group na si Lilybeth G. Rasonable.

Kumatawan naman sa Aguila Entertainment ang Talent Manager at CEO nito na si Katrina Aguila.

Dumalo rin sa event ang Vice President for Corporate Affairs and Communications ng GMA Network na si Angela Javier Cruz, Vice President for Business Development Department I Cheryl Ching-Sy, Vice President for Business Development Department II Janine Piad-Nacar, Consultant for Business Development Department III Darling de Jesus-Bodegon, Vice President for Business Development Department III Gigi Santiago-Lara, Assistant Vice President for Business Development Department II Enri Calaycay, Assistant Vice President for Drama Helen Rose S. Sese, Senior Program Managers Redgynn Alba, Cathy Ochoa-Perez, Edlyn Tallada-Abuel, at Executive Producer na si Michele Borja.

Isa nga si Dennis sa pinakamalaking pangalan sa Philippine showbiz. Binibigyang-buhay niya ang mga karakter nang may utmost authenticity at bilang isang patunay sa kanyang kahanga-hanga na talento, ang aktor ay nakakuha ng ilang mga pagkilala.

Inamin naman ni Dennis na ‘di pa rin siya makapaniwala sa mga ‘di matatawang accomplishments sa nakalipas na dalawang dekada.

“Naalala ko ‘yung pakiramdam nung unang pagtungtong ko rito sa GMA. Para kang pumapasok sa bagong teritoryo, bagong tahanan. Hindi mo alam kung anong mangyayari sa career mo. “Now, feeling fulfilled ako na na-achieve ko ang mga pangarap ko. Sobrang blessed na hanggang ngayon nandito pa rin ako sa industriya.

“Hindi ko akalain na tatagal ako ng 20 years kaya napaka-special ng araw at renewal ng contract na ito,” pahayag ng aktor na gabi-gabing napapanood sa ‘Love Before Sunrise’ na kung saan katambal niya si Bea Alonzo.

Ni-reveal naman ni Ms. Lilibeth na palaging challenge sa Entertainment Group na maka-create ng out-of-the-box characters na babagay sa Kapuso Drama King.

“He’s very capable and actually kami ang nacha-challenge na isipan ng roles si Dennis kasi he really performs to the best of his abilities and nagagampanan niya beyond our expectations. That’s why we want to give the roles that he deserves because napakahusay talaga niya.”

Sa paglipas ng mga taon, napatunayan ni Dennis ang kanyang magnetic charisma, walang kaparis na kahusayan, at likas na pagkahilig sa kanyang craft.

No wonder why he never failed na ma-capture ang mga puso ng viewers. Siguradong lalo siyang magniningning sa pagpapatuloy ng kanyang journey bilang isang Kapuso!

(ROHN ROMULO)