Sotto magpapalakas pa!
- Published on September 6, 2022
- by @peoplesbalita
AMINADO si Gilas Pilipinas standout Kai Sotto na kailangan pa nitong magpalakas upang mas maging matagumpay sa mga susunod na laban na haharapin nito.
Bahagi si Sotto ng Gilas Pilipinas na sumabak sa dalawang laro ng tropa sa fourth window ng FIBA World Cup Asian Qualifiers na ginanap sa Beirut at Manila.
Maganda naman ang ipinamalas nitong laro.
Subalit hindi kuntento ang 7-foot-3 cager.
Kaya naman tuloy lang ito sa ensayo para mas lalo pang mahasa ang kanyang talento.
“I have to be better. I never had a perfect game and I think I didn’t play good enough,” ani Sotto.
Nabigo si Sotto sa tangka nitong maging kauna-unahang purong Pinoy player na makapasok sa NBA.
Walang humugot kay Sotto sa 2022 edisyon ng NBA Annual Rookie Draft.
Ngunit hindi ito nawawalan ng pag-asa dahil may tsansa pa rin itong makapasok sa NBA sa tamang panahon.
Sa ngayon, balik sa Adelaide 36ers si Sotto para sa nakatakdang pagbubukas ng 2022-2023 season ng Australia National Basketball League (NBL).
Nakakuha rin si Sotto ng payo mula sa teammates nito partikular na kay NBA star Jordan Clarkson ng Utah Jazz.
Naniniwala si Clarkson sa kakayahan ni Sotto na personal nitong nasilayang maglaro kasama ang Gilas Pilipinas sa fourth window ng qualifiers.
Kailangan lang aniya na huwag mawalan ng pag-asa si Sotto.
Sa halip, ipagpatuloy lamang ang pagsisikap nito para mas lalong mapalakas ang kanyang sarili sa paglalaro.
-
Padrino system, no way sa DMW sa harap ng target nitong makapag-hire ng may 1 libong personnel ngayong taon
IGINIIT ni Migrant Workers Secretary Susan “Toots” Ople na no way sa kanila at hindi uubra ang padrino system sa harap ng 1 libong mga bakanteng posisyon na kanilang bubuksan ngayong taon. Sinabi ni Ople na sa kuwalipikasyon ng isang aplikante sila titingin upang ito ay kunin para maging bahagi ng DMW. […]
-
Kamara tutulong sa giyera ni PBBM laban sa smuggling, hoarding ng agri products
TUTULONG ang Kamara sa giyera ni Pangulong Marcos laban sa smuggling at hoarding ng bigas at iba pang produktong agrikultural. Ito ang sinabi ni Speaker Ferdinand Martin Romualdez isang araw matapos ang ikalawang State of the Nation Address (SONA) ni Pangulong Marcos. “We share the President’s anger and frustration with smuggling, […]
-
“Online adoption” o illegal na pag-aampon gamit ang social media, pinaiimbestigahan ni House Committee on Social Services chairman Alfred Vargas
Pinaiimbestigahan ni House Committee on Social Services chairman Alfred Vargas sa Kamara ang “online adoption” o illegal na pag-aampon gamit ang social media, ngayong may COVID-19 pandemic. Sa House Resolution 1555, sinabi ni Vargas na nakakabahala ang online na pag-aampon na maituturing na human trafficking. Batay sa Department of Social Welfare […]