SOURCE CODE HAWAK NA NG BANGKO SENTRAL
- Published on February 3, 2022
- by @peoplesbalita
HAWAK na ng Bangko Sentral ng Pilipinas (BSP) ang source code para sa automated election system (AES).
Ang dalawang security boxes ay inabot nina Commission on Elections Executive Director Bartolome Sinocruz at Atty. John Rex Laudiangco, director ng Comelec Law Department, sa mga kinatawan ng central bank sa isang seremonya na ginanap sa BSP complex sa Pasay City.
Bahagi ng escrow agreement ang opisyal na turnover na nilagdaan ng mga opisyal ng Comelec at BSP noong Lunes.
Sina Sinocruz, Laudiangco ay sinamahan ni BSP Managing Director Rosabel Guerrero, Comelec spokesperson James Jimenez, mga kinatawan mula sa Parish Pastoral Council for Responsible Voting, at mga piling tauhan ng media sa pagdeposito ng source codes sa loob ng BSP vault.
“Now, we will witness the actual turnover and deposit of the source code for the 2022 national and local elections. It shall be kept in escrow with the BSP as mandated by the automation law,” sinabi ni Comelec Commissioner Marlon Casquejo sa kanyang virtual speech.
Ito aniya ay upang matiyak at masiguro ng publiko na ang halalan sa darating na 2022 national at local elections ay magiging malinis.
Si Casquejo ang pinuno ng Comelec steering committee para sa 2022 national and local elections.
Dagdag pa, tiniyak ni Jimenez sa publiko na ang integridad ng halalan ay mapoprotektahan sa gitna ng patuloy na alitan sa pagitan ng mga outgoing at uupong poll commissioner.
“The Comelec is very much aware of the current concerns about the credibility of the elections, the integrity of the elections… The source code really is the heart and soul of the automated election system and the fact that we have the source code here where it is protected from all dangers, gives us certainty that the source code that we will be using on the election day is trustworthy,” ani Jimenez
Sa panig naman ng BSP, tiniyak ni Guerrero sa publiko na tanging opisyal ng Comelec ang makakapagbukas ng vault na naglalaman ng flash drives para sa source codes. GENE ADSUARA
-
JANINE, umaming may experience na sa ‘online landian’; Direk JP, may paliwanag sa ending ng ‘Dito at Doon’
NGAYONG na-extend na naman ECQ (enhanced community quarantine) marami na naman ang hindi makalabas ng bahay kaya isa sa paboritong gawing pampalipas ng oras at bugnot ay ang manood ng series o movies sa iba’t-ibang online platform. At isa nga sa ire-recomend namin ay ang Dito at Doon ng TBA Studios na kasalukuyang […]
-
ARJO, representative ng Pilipinas sa‘Asian Academy Creative Awards’
NAGULAT si Arjo Atayde dahil siya ang napiling representative ng Pilipinas sa December’s Grand Awards and Gala Final sa kategoryang Best Actor in a Lead Role sa katatapos na Asian Academy Creative Awards 2020 National winner para sa iWant Original series na Bagman. Nang mapanood ang unang sea- son ng Bagman ni Arjo ay […]
-
Andrew Garfield, Telling the Truth or Trying to Hide the Big Reveal about ‘Spider-Man: No Way Home’
RUMOR are still swirling about the inclusion of Andrew Garfield and Tobey Maguire in the upcoming Spider-Man: No Way Home as multiversal web slingers. Unsurprisingly, Garfield has been badgered about this since the rumors and supposed leaks first started and he’s found a myriad of ways to dance around denying it since. Well, if at first you don’t succeed, deny, deny, and […]