Star player ng Cavs, inaresto

Isiniwalat ng Cleveland Cavaliers na nakausap na nila ang kanilang star guard na si Kevin Porter Jr. matapos maaresto dahil sa illegal possession of firearms.

Base sa record ng Mahoning County, nasakote si Porter, 2019 first-round draft pick, dahil sa pagdadala ng armas sa loob ng sasakyan. Agad din itong nakalaya matapos maglagak ng $4,000 na piyansa.

Sa statement, sinabi ng Cavaliers: “We are aware of the situation involving Kevin Porter Jr. and are in the process of gathering information. We have spoken with Kevin and will continue to address this privately with him as the related process evolves.”

Sa email na pinadala ng abogado ni Porter, sinabi nitong maliit na kaso lang umano ang kinasangkutan ng kanyang kliyente at agad ding pinalaya.

Isa ang 20-year-old na si Porter sa mga manlalarong inaasahang magiging future ng Cavs. May averaged itong 10 points, 3.2 rebounds at 2.2 assists sa 50 games.

Pinili ng Cleveland si Porter gamit ang hawak na No. 30 overall pick.