• September 1, 2024
  • Search in People's Balita

  • Ang Diyaryong Pinagkakatiwalaan

 

State of calamity, idineklara ni Abalos sa apat pang lalawigan dahil kay Carina, Habagat

SINABI ni Interior and Local Government Secretary Benhur Abalos Jr. na idineklara ang State of Calamity sa apat pang lalawigan kasunod ng pananalasa ng southwest monsoon na pinalakas ng bagyong Carina.

 

 

 

 

Sa isinagawang ‘situation briefing on Carina’ kasama si Pangulong Ferdinand Marcos Jr., sinabi ni Abalos na maliban sa mga lungsod sa National Capital Region (NCR), idineklara na rin ang State of Calamity sa Bataan, Bulacan, Batangas at Cavite.
Idineklara rin ang State of Calamity sa Pinamalayan, Oriental Mindoro.
Nauna rito, sinabi ni Abalos na ang Kabacan, Cotabato; Pikit, Cotabato; Butuan, Davao de Occidental, at ilan pa ay isinailalim din sa state of calamity.
Iniulat naman ng National Disaster Risk Reduction and Management Council (NDRRMC), Huwebes ng umaga, Hulyo 25 na tumaas sa 14 ang bilang ng mga nasawi bunsod ng epekto ng southwest monsoon o Habagat at Tropical Cyclones Carina at Butchoy.
Base sa NDRRMC’s, 8 katao ang kumpirmadong namatay sa Zamboanga at bawat isa sa Northern Mindanao, Davao, Bangsamoro Autonomous Region in Muslim Mindanao at Kalakhang Maynila.
Sa ngayon ay bina- validate pa ng NDRRMC ang ulat na may limang katao ang nasawi sa Calabarzon at isa sa Bangsamoro.
“Habagat, Carina, and Butchoy affected a total of 1,115,272 people or 245,298 families in all regions in the country except in Eastern Visayas,” ayon sa kahalintulad na NDRRMC report.
Sa mga apektadong populasyon, 51,726 katao o 12,199 pamilya ang nananatili sa evacuation centers habang 578,158 indibiduwal o 116,878 pamilya ang nanuluyan naman sa ibang shelter sa ibang lugar.
May kabuuang 292 bahay ang nasira kung saan 216 partially at 76 totally damaged dahil sa masamang panahon.
Umabot naman sa halagang P9,706,852 ang nasira sa agrikultura at P6,560,000 naman ang napinsala sa irrigation facility. Para sa imprastraktura, ang napaulat na nasira ay P793,551.
Sinabi rin ng power distributor Manila Electric Company (Meralco) na 400,000 customers ang hanggang sa ngayon ay walang suplay ng kuryente sa mga kugar na apektado ng y Super Typhoon Carina at malakas na Habagat.
Sinabi ni Meralco spokesperson Joe Zaldarriaga sa isang panayam na ang elektrisidad ng 324,000 customer ay “deliberately disconnected due to severe flooding” sa mga sumusunod na lugar: Bulacan, Valenzuela, Mandaluyong, Marikina,Pasay, Quezon City, Rizal
Samantala, ang bilang ng mga customers na nakararanas ngayon ng walang suplay ng kuryente dahil sa iba’t ibang isyu gaya ng ‘tripped power lines o foreign objects obstructing transmission’ ay 68,000.
Sinabi ni Zaldarriaga na ibabalik ng Meralco ang suplay ng kuryent sa mga apektadong lugar “once it is safe.”
Samantala, iniuulat naman ng Metropolitan Manila Development Authority (MMDA) at local government units na marami pa ring lugar sa NCR ang hanggang sa ngayon ay lubog pa rin sa tubig-baha.
Mula Huwebes, Hulyo 25 hanggang araw ng Sabado, Hulyo 27, maaaring makapagdala pa rin si Habagat ng malakas na pagbagsak ng ulan sa iba’t ibang lokalidad sa western portion ng Luzon.
(Daris Jose)
Other News

  • 20 milyong doses ng AstraZeneca vaccine kasado na

    Nakakuha na ang Pilipinas ng 20 milyong doses ng bakuna mula sa British drug group na AstraZeneca.   Ayon kay Vaccine Czar Carlito Galvez Jr., ngayong araw naka­takdang lagdaan ang tripartite agreement para sa kukuning bakuna laban sa COVID-19.   “Bukas nga po ay aming pipirmahan, lalagdaan po namin ang tripartite agreement na more or less […]

    read more

  • Magiging host din ng isang reality show: RS, may movie kasama ang Superstar at National Artist na si NORA

    AYAW sana ni RS Francisco na tanggapin ang offer ng AQ Prime na mag-host ng reality show.       Kaya naisip niya na kausapin muna si Atty. Aldwin Alegre para siya mismo ang magsabi na ayaw niya. Pero matapos nilang mag-usap ay nakumbinsi siya na gawin ang reality show.       Tinanggap din […]

    read more

  • Nakakaalarmang kondisyon ipapaopera na: DAVID, napagkakamalang suplado dahil sa ‘sleep apnea’

    PLANO na pala ni David Licauco na ipaopera ang kanyang kondisyon na ‘sleep apnea’ pagkatapos ng TV series nila ni Barbie Forteza na “Maging Sino Ka Man.”     Ang sleep apnea ay sleep disorder na tumitigil kung minsan ang paghinga ng pasyente habang natutulog.     Sa naging panayam ni Nelson Canlas na ipinakita […]

    read more
People's Balita.
All rights reserved. © Copyright 2024.