Summer Reading Camp 2024, muling inilunsad sa Valenzuela
- Published on July 11, 2024
- by @peoplesbalita
MULING inilunsad ni Mayor WES Gatchalian, sa pakikipagtulungan sa Synergeia Foundation at Department of Education (DeEd)-Valenzuela, ang Valenzuela Summer Reading Camp 2024 sa Pio Valenzuela Elementary School at Canumay West Elementary School, Miyerkules ng umaga, July 10, 2024.
Ayon kay Mayor WES, aabot sa 1,246 na mga estudyante sa Grade 3 hanggang Grade 6 ang nasuri ng DepEd na hindi talaga makapagbasa o bigong makapagbasa kaya’t kailangan nilang sumailalim sa programa ng 10-araw hanggang hindi pa nagbubukas ang klase.
Ang naturang programa ay nilikha sa ilalim ng Education 360 Degrees Program na umani na ng napakaraming parangal dahil sa komprehensibo pamamaraan na layuning mapataas ang kalidad ng edukasyon sa Lungsod.
Sinabi ni Mayor WES na hindi sapat na matuto lang ng pagbabasa ang mga estudyante sa elementarya kundi dapat ay maintindihan nila ang kahulungan ng kanilang binabasa kaya’t inilalarga nila ang ganitong programa taon-taon upang ihanda ang kaalaman ng mga estudyante sa kanilang pagbabalik eskuwela.
Nanawagan din siya sa mga magulang ng mga batang estudyante na i-enroll ang kanilang mga anak sa programa upang mahasa ang kanilang kaalaman sa pagbabasa.
“Hindi lang po sa pag-eenroll, madali po ang mag-enroll, libre naman po ito, pero yung tapusin ang programa, yan po ang importante dahil nakikita naman po namin sa datus na malaking tulong ito sa pagbabasa, sa paghahabol at paghahanda sa ating mga learners pagdating ng panibagong school year,” pahayag ni Mayor WES sa kanyang talumpati.
Sinabi pa ng alkalde na ngayong darating na Balik Eskwela 2024 ay magbibigay ang Pamahalaang Lungsod ng Valenzuela ng libreng school kits at dalawang pares ng uniporme sa bawat isang estudyante mula kender hanggang grade 6.
Unang inilunsad ng pamahalaang lungsod ang programa noong taong 2014 at sa kasalukuyan, mahigit na sa 100 libong estudyante, ang naging benepisyaryo nito. (Richard Mesa)
-
Unang DepEd Execom ngayong 2025, pinangunahan ni Sec. Angara PINANGUNAHAN ni Sonny Angara ang unang EXECOM meeting ng 2025.
Tinalakay nila ang mga proyektong naaayon sa agenda ni Pangulong Ferdinand “Bongbong” Marcos, kabilang ang: -Mga proyekto para mapabuti ang kalidad ng edukasyon -Pagtatayo ng mas maraming silid-aralan at pagpapabuti ng kondisyon ng mga guro -Pagpapahusay ng programa sa computerization para sa mga pampublikong paaralan -Paghahanda para sa mga pandaigdigang pagsusuri tulad ng PISA -Pakikipagtulungan […]
-
Go signal ng DBM sa paglikha ng 5K DSWD regular positions, welcome sa DSWD
WELCOME kay Department of Social Welfare and Development (DSWD) Secretary Rex Gatchalian ang paglikha ng 5,000 regular positions para sa mga empleyado ng departamento. Sa pagpapatuloy ng deliberasyon sa Senado hinggil sa panukalang budget ng DSWD para sa 2025, sinabi ni Department of Budget and Management (DBM) Assistant Secretary Leonido Pulido III kay Senate […]
-
Libreng cremation sa Tugatog Cemetery, binuksan ng Malabon LGU
PINANGUNAHAN ni Mayor Jeannie Sandoval ang muling pagbubukas at pagbabasbas ng Tugatog Public Cemetery upang bigyang-daan ang mga residente na bisitahin ang kanilang mga yumaong kamag-anak sa libingan bilang bahagi ng paggunita ng All Saints Day and All Souls Day o Undas 2024. Nagsagawa ng Banal na Misa ang lokal na pamahalaan para sa […]