Suporta sa atletang sasabak sa Tokyo Olympics, tuloy – PSC
- Published on June 22, 2020
- by @peoplesbalita
Siniguro ni Philippine Sports Commission (PSC) Commissioner William “Butch” Ramirez na tuloy ang kanilang buong suporta sa mga atletang lalahok sa 2021 Tokyo Olympics.
Nangako ang PSC ng buong suporta kahit pa tinapyasan ng gobyerno ang kanilang pondo dahil sa coronavirus disease 2019 o COVID-19.
Isiniwalat ng PSC, na aabot sa P1.3 billion ng kanilang pondo ang inilipat ng Department of Budget and Management (DBM) para labanan ng gobyerno ang COVID-19, kungsaan P596 dito ay nanggaling sa National Sports Development Fund at P773 million naman ang mula sa General Appropriations Acts.
“It’s a tough situation but we understand the priorities of the national government. We will do what we can to continue the support we give to our athletes especially those vying for an Olympic slot,” ani Ramirez.
Ayon sa PSC tuloy ang suporta nila kina EJ Obiena ng athletics, Eumir Marcial at Irish Magno ng Boxing, 2016 Rio Olympics silver medalist Hidilyn Diaz sa weightlifting, four-time SEA Games champion Kiyomi Watanabe sa Judo, 2019 SEAG double-gold medal winner Margielyn Didal sa skateboarding at multi-titled taekwondo Pauline Lopez at Junna Tsukii ng karatedo.
Bukod sa financial support, tuloy din ang online online sports psychology consultations, virtual training sessions, nutrition, physiology, at conditioning webinars sa athlete at coaches ng Medical Scientific Athletic Services (MSAS) at Philippine Sports Institute (PSI) ng PSC
Inihirit ng PSC na hangga’t makakaya nila ay susuportahan nila ang mga atleta.Target ni Ramirez na magpadala ng mas maraming atleta na isasabak sa 2021 Olympics.
-
3,812 pasado sa 2023 Bar Exams, magiging abogado
UMABOT sa 3,812 examinees ang pumasa sa 2023 Bar Exams o ‘yung professional licensure examination para sa mga nais mag-abogado sa Pilipinas. Ito ang ibinahagi ng Supreme Court sa publiko ngayong Martes nang tanghali sa pamamagitan ni Associate Justice Ramon Paul Hernando, chairperson ng 2023 Bar Examinations. Narito ang top 20 […]
-
Tsunami dahil sa pagsabog ng bulkan sa Tonga naramdaman sa Japan at California
NARAMDAMAN ang pagtaas ng tubig sa karagatan ng Japan at California dulot ng bahagyang tsumani dahil sa pagputok ng underwater volcano sa Tonga. Unang pumutok ang Hunga-Tonga-Hunga-Ha’apai volcano na matatagpuan sa Fonafo’ou island sa Tonga noong Biyernes na sinunda nitong Sabado. Nagpakawala ng makapal na abo, gas at kumukulong usok na […]
-
Imbestigasyon ng DoJ sa “Bloody Sunday Killings” patas, masinsin at makatarungan – Sec. Roque
TINIYAK ng Malakanyang sa publiko na magiging patas ang Department of Justice sa ginagawa nitong imbestigasyon hinggil sa marahas at sabay-sabay na raid ng Philippine National Police (PNP) sa opisina ng ilang aktibista sa rehiyon ng Calabarzon, Linggo, bagay na ikinamatay ng siyam katao. “We are confident with that probe because no less than […]