SYLVIA, nagpasalamat kay Direk DARYLL sa malakas na boses tungkol sa ’Topakk’
- Published on December 26, 2024
- by @peoplesbalita
SA unang araw ng 50th Metro Manila Film Festival, Christmas Day, nag-ikot ang cast ng ten entries sa iba’t-ibang sinehan sa Metro Manila.Isa na rito ang hard action/drama movie na ’Topakk’ na pinagbibidahan ni Cong. Arjo Atayde, Julia Montes at Sid Lucero, na pawang mahuhusay at pinapalakpakan sa kanilang matitinding action scenes.
Mula ito sa direksyon ni Richard Somes.
Apat na mall ang inikot nila, kasama ang actress/producer na si Sylvia Sanches ng Nathan Studios Inc. na punong abala sa promo ng movie.
Ang last stop nila ay sa Gateway Cinema 4, 6:30 pm screening na nag-sold out. Nakita rin namin na halos sold out din ang 4 pm at 9 pm screening, kaya naman tuwang-tuwa ang cast, kahit nasa 38 cinemas lang ang ‘Topakk’ sa pinaghalong R-16 at R-18 ratings.
Hindi na nga sumama si Arjo sa Gateway, dahil may dinner sila ng asawang si Maine Mendoza.
“Si Cong. Arjo, dito lang sa Gateway hindi siya nakapunta, four theaters ang inikot namin, tatlo lang na-attend-an niya para magpasalamat sa mga nanood. Kasi magdi-dinner sila ni Maine.
“Pero ok lang yun, dapat talaga he spend time sa asawa niya at hindi pabayaan. Kaya ni-let go na namin siya.”
Reaction naman ni Ibyang tungkol sa hindi pantay-pantay ang nakuhang sinehan ng 10 entries…
“Hindi talaga siya equal, kasi meron daw 100 and 200 plus, kami from nasa number 9 with 33 cinemas and today naging 38 na.
“Sinabi naman ni Chairman Don Artes na kasama naman lahat sa raffle ng sinehan. Pero yun sa sinehan sa probinsya, hindi sila sumama, kasi gusto nila makuha ‘yun sa tingin nila ang kikitang pelikula.
“Pero para mag-dwell pa ako sa sama ng loob, sa lungkot, wag na. I-push ko na lang ang movie namin, i-promote na lang mabuti dahil maganda at magagaling ang mga artista ko. Naniniwala rin ako sa word of mouth, pag nagustuhan ng mga tao, dadami ang sinehan namin, lalo na after ng awards night.”
Samantala, natuwa naman si Sylvia sa all caps FB post ni Direk Darryl Yap tungkol sa ’Topakk’.
Ayon sa controversial na direktor, “IBA YUNG #TOPAKK
“Congrats Direk Richard Somes, Juan Carlos Campo Atayde! NAPAKAHALIMAW! KAPAL NG MUKHA NG MMFF BIGYAN KAYO NG KONTING CINEMAS!!!”
Comment pa nito, “38 cinemas?! Sinali nyo pa! Hahahaha.”
Nagpasalamat naman si Sylvia kay Direk Darryl dahil sa malakas na boses na sumisigaw sa husay at ganda ng ‘Topakk’.
(ROHN ROMULO)
Other News
-
Ads October 18, 2023
-
TATLONG DAYUHANG PUGANTE, INARESTO NG BI
INARESTO ng Bureau of Immigration (BI) ang tatlong dayuhang pugante na wanted sa kanilang mga bansa. Ayon kay Immigration Commissioner Jaime Morente na ang tatlong dayuhan, isang Amerikano, Taiwanese at isang South Korean ay inaresto sa magkakahiwalay na opeasyon ng mga operatiba ng BI’s fugitive search unit (FSU) sa Metro Manila at Pangasinan. […]
-
Philippine Women’s football team may dalawang laro pa sa Australia bago ang pagsabak sa SEA Games
SINIMULAN na ng Philippine women’s national football team ang kanilang training para sa 31st Southeast Asian Games. Ayon sa Philippine Football Federation (PFF) na ang 25 kababaihan na football players ay nasa Australia ngayon. Pinangunahan ng kanilang coach na si Alen Stajicic ang nasabing womens football team. Bukod kasi […]