Tab Baldwin humanga sa galing ni Kai Sotto

Hindi maitago ni Gilas Pilipinas program director Tab Baldwin ang paghanga nito sa galing ni Kai Sotto.

Kahit na naging maiksi ang pagsali nito sa ensayo ng national team noong nakaraang mga linggo ay ipinakita ng bagitong player na kaya nitong makipagsabayan.

Dagdag pa ni Baldwin na habang tumatagal ay nagkakaroon ng magandang improvements ang mga laro nito.

Naging malapit na rin aniya ang 18-anyos na Sotto sa mga miyembro ng national teams kaya maganda aniya ang kanilang game chemistry.