Tambay kulong sa hindi lisensyadong baril sa Navotas
- Published on October 19, 2024
- by @peoplesbalita
TIMBOG ang 22-anyos na tambay na nag-iingat ng hindi lisensiyadong baril nang salakayin ng pulisya ang kanyang tirahan sa bisa ng search warrant sa Navotas City, kamakalawa ng hapon.
Bago nadakip ang suspek na si alyas “Buboy”, nakatanggap na ng impormasyon ang mga tauhan ni Navotas City Police Chief P/Col. Mario Cortes hinggil sa pag-iingat niya ng baril na dahilan upang mag-apply sila ng search warrant sa hukuman.
Mismong mga tauhan ni Col. Cortes na sina Lt. Michael Salvador, P/SSgt. Jason Dela Cruz at isang alyas “Irene” ang nag-apply ng search warrant sa sala ni Navotas Regional Trial Court (RTC) Presiding Judge Romana M.M. P. Lindayag Del Rosario ng Branch 287 upang mapasok ang tirahan ng suspek sa Brgy. NBBS Proper sa naturang lungsod.
Nakumbinsi ng mga deponent ang hukom bunga ng personal nilang kaalaman sa ilegal na pag-iingat ng baril ni alyas Buboy na dahilan upang maglabas ng search warrant ang hukuman na ginamit ng pulisya sa paghahalughog sa bahay ng suspek dakong alas-2:35 ng hapon, suot ang kanilang body camera na sinaksihan pa ng opisyal ng barangay sa naturang lugar.
Nakuha sa loob ng bahay ni alyas Buboy ang itinatagong kalibre .38 revolver na walang serial number at dalawang bala na gagamitin ng pulisya sa paghahain nila ng kasong paglabag sa R.A. 10591 o ang Comprehensive Firearms and Ammunition Regulation Act laban sa suspek sa Navotas City Prosecutor’s Office.
Pinuri naman ni Northern Police District (NPD) Director P/BGen. Rizalito Gapas ang Navotas police sa pagsisikap na madakip ang mga nag-iingat ng hindi lisensiyadong armas sa tulong na rin ng mga concerned citizens na nagbibigay ng impormasyon sa mga taong gumagawa ng labag sa batas. (Richard Mesa)
-
Super nag-enjoy sa bakasyon nila sa Singapore: Relasyon nina JULIA at GERALD, ipinapakita na mas lalong tumatag
IPINAPAKITA lang talaga ng mag-dyowa na sina Julia Barretto at Gerald Anderson na habang tumatagal, mas lalong tumatatag ang relasyon nila. Kahit ilang beses na naiintriga na kesyo nagkakalabuan o break na, dedma lang ang dalawa at manggugulat na masaya silang magkasama. Tulad na lang sa pag-attend nila sa F1 race […]
-
Pagbabawas ng physical distance ng mga commuters muling pag-uusapan ng IATF
MULING pag-uusapan ng Inter-Agency Task Force (IATF) ang isyu patungkol sa ipatutupad na sanang pagbabawas ng social distancing sa mga pampublikong sasakyan. Bumuhos kasi ang pagpalag at pagtuligsa ng iba’t ibang sektor sa nasabing hakbang dahil na rin sa pangambang baka lalo pang kumalat ang virus. Giit ni Sec. Roque, marunong naman silang […]
-
Magpapakita ng ‘PDA,’ sisitahin na para labanan ang COVID cases – PNP
Tiniyak ng Philippine National Police (PNP) na istrikto nilang ipatutupad muli ang mga health protocols lalo na at tumaas na naman ang bilang ng Coronavirus Disease (COVID) cases dito sa Metro Manila. Kaugnay nito, nakikipag-ugnayan na rin ang PNP sa mga local government units kaugnay sa mga umiiral nitong ordinansa. May […]