Target na maipatupad ang 3-strike ng Radio-Frequency Identification o RFID
- Published on February 11, 2021
- by @peoplesbalita
Sa darating na Pebrero 22, 2021 target na maipatupad ang 3-strike policy para sa mga motoristang gumagamit ng Radio-Frequency Identification o RFID.
Ito ang kinumpirma ni Transportation Usec. For Finance Garry de Guzman sa pagdinig ng House Committee on Transportation.
Ayon kay de Guzman, hindi pa nasisimulan ang polisiya dahil magkakaroon muna sila ng dayalogo sa toll operators ng EasyTrip (Metro Pacific Tollways Corporation) at AutoSweep (San Miguel Corporation) sa Pebrero 18 hinggil sa panukalang 3-strike policy at kung handa na bang maipatupad ito.
Sinabi pa ni de Guzman na inatasan ang dalawang operators na magkaroon ng information dissemination kaugnay sa 3-strike policy upang hindi mabigla ang mga tao at maiwasan ang kalituhan.
Pinatutugunan na rin sa MPTC at San Miguel Corporation ang isyu ng loading at hindi gumaganang reading para sa RFIDs, na inirereklamo ng mga motorista.
Sa naturang polisya, kapag ang RFID user ay lumabag sa unang pagkakataon, paaalalahanan muna siya at sasabihang mag-load. Sa ikalawang paglabag, final warning na at sa ikatlong paglabag, huhulihin na.
Ito ay layong mapigilan ang mga motoristang paulit-ulit na lumalabag sa hindi paglo-load o pagkakabit ng RFID, na nagdudulot naman ng malaking abala sa iba.
Maaalala rin aniya ang nangyari sa CAVITEX noong Dec. 2020 kung kailan 27,000 na mga motorista ang dumaan nang walang load. Mayroon ding tatlong motorista na dumaan ng 300 beses sa toll sa loob ng isang buwan, na palaging walang load.
Sa report ni de Guzman, humigit kumulang limang milyon na ang RFID users sa kasalukuyan.
Hanggang nitong Enero, nasa 2.5 million ang RFID users ng AutoSweep habang 2.2 million naman sa MPTC. Sa NLEX ay nabawasan ang RFID users dahil ibinalik ang cash lanes. (ARA ROMERO)
-
‘Logan’ Star Shares Key Advice Hugh Jackman Gave Her
LOGAN star Dafne Keen shares the advice Hugh Jackman gave her on set of the X-Men film. Jackman made his debut as Wolverine in the 2000 film X-Men and went on to reprise the role nine times over nearly two decades, effectively ending his character’s run with 2017’s Logan (though he will be returning […]
-
Dream come true ang pagsasama nila ni Kych: GOLD, overwhelmed na nakuha ang role na para sana kay ELIJAH
PARA kay Gold Azeron, dream come true ang pagsasama nila sa pelikula ni Kych Minemoto. Magkaibigan sina Gold at Kych. Una silang nagkasama sa isang short film na thesis project pero hindi raw nila ito napanood. Pero pareho silang nangangarap na one day gagawa sila ng movie together. Dumating na nga […]
-
“Accountability, openness” sigurado sa ilalim ng binagong IRR ng Maharlika
TITIYAKIN ng kamakailan lamang na ipinalabas na implementing rules and regulations (IRR) ng Maharlika Investment Fund (MIF) na mayroong “accountability, openness, at efficacy” sa pagpapatupad ng batas. Sinabi ni Department of Budget and Management Secretary Amenah Pangandaman na siniguro ni Pangulong Ferdinand R. Marcos Jr. sa mga miyembro ng Maharlika Investment Corporation (MIC) […]