• February 27, 2024
  • Ang Diyaryong Pinagkakatiwalaan

Tatanggapin daw ang biopic pag may nag-offer: PIOLO, umani ng sari-saring reaksyon dahil type gumanap na Pres. Marcos

UMANI ng sari-saring reaksyon mula sa mga netizen ang naging pahayag ni Piolo Pascual, na gusto niyang gumanap bilang si dating Pangulong Ferdinand Marcos.

 

Higit na mas marami ang kumontra at sunod-sunod na negatibong komento ng mga netizen. Pati ang mga loyal fans ng Kapamilya actor ay hindi raw sila pabor na gawin ni Piolo ang biopic ng kontrobersyal na dating pangulo.

 

Pero kahit may mga negatibong reaksiyon ay willing pa rin daw si Piolo na balik-serye sa “Pamilya Sagrado”, na gawin ang project just in case may mag-o-offer sa kanya, hindi raw niya ito tatanggihan.

 

Ilan sa mga negatibong komento ay ang binanggit na malalaos daw si Piolo kung gagawin niya ang isang Marcos biopic.

 

Aware naman daw si Piolo sa mga ginawa ng Marcos administration.

 

***

 

TINALBUGAN ni Rosanna Roces Ang lahat ng co-stars niya sa soon to end na Pira-Pirasong Paraiso.

 

Si Osang kasi ang may mga pasabog sa naturang mediacon ng Dreamscape Entertainment ni Sir Đeo Endrinal. Matapos isa-isang purihin ni Osang ang mga kasama sa serye na sina Loisa Andalio, Charlie Dizon, Alexa Ilacad, Elisse Joson, Ronnie Alonte, KD Estrada, Gardo Versoza, Sunshine Dizon at Snooky Serna, ay super pasabog naman ang binanggit ng aktres kay Joseph Marco.

 

“Siyempre si Joseph Marco, matagal na magkasama kami niyan sa ‘Probinsyano’ as in parang mag kapatid kami niyan pati ano niya nakita ko na,” napatawa pang banggit ni Ms. O.

 

Kamusta ang nakita niya?

 

“Ipinapakita naman niya sa akin. Tiningnan ko naman, siyempre ako pa ba? Pero walang malisya yun.

 

“Anak-anakan ko yun at mahal ko yun,” bawi pa agad ni Osang.

 

“I love working with Miss O, sobrang maasikaso siya lalo na kung maka-close mo siya nang husto.

 

“And especially kung magugustuhan ka talaga niya. Kasi siya black and white yan. Kumbaga kung ayaw ka niya, ayaw ka niya talaga kung gusto ka niya gusto ka niya talaga,” tuloy tuloy pang sambit ni Joseph.

 

Pangalawang serye na ito na magkasama nina Rosanna at Joseph at nagkataon na si Osang din ang pumatay sa character ni aktor.

 

***

 

SA January 27 ay ise-celebrate ng mag-asawang Gladys Reyes at Christopher Roxas ang kanilang 20th wedding anniversary at kasabay na rin ng 18th birthday ng panganay nilan anak na si Christophe.

 

Siyempre super happy ang premyadong aktres dahil kahit may mga unos na dumating sa buhay nilang mag asawa still nanatiling matatag ang kanilang pag sasama.

 

Binayayaan sina Gladys at Christopher ng apat na anak na sina Gian Christophe, Gianna Aquisha, Grant Carlin at si Gavin Cale Sommereux.

 

Umiling naman agad si Gladys nang tanungin kung may balak pa silang sundan ang bunsong anak.

 

“Di na kuya Jimi. Okey na kami sa four kids. Mas gusto namin ni Christopher ang mag-travel na lang.

 

“Enjoy ang bonding namin kasama ang mga anak namin,” sey pa ni Gladys.

 

Kamakailan lamang ay nagbakasyon ang mag-asawa sa abroad ng ilang araw. Sana raw ay magkaroon daw ng pagkakataon na makapagbakasyon ulit sa taong Ito.

 

Ano namang hihilingin pa ni Gladys sa itaas para sa kanilang anniversary ni Christopher?

 

“Well, Kuya Jimi, 20 years of wedding anniversary pero 31 years of togetherness meron pa ba dapat akong hihilingin sa kanya?” Balik-tanong pa ng magaling na aktres.

 

“Life is unpredictable. Kaya we’re grateful, hindi kami pumapalya sa panalangin na patuloy bibilang ng marami pang ng taon, makikita naming lumaki ang mga anak namin,” lahad pa niya.

(JIMI C. ESCALA)

Other News
  • DIRECTOR MICHAEL CHAVES INVITES FANS TO “THE NUN II” AS HORROR FILM GEARS UP FOR MIDNIGHT SCREENINGS SEPT 6

    IN a newly released video, “The Nun II” director Michael Chaves shares that this year marks the tenth anniversary of the “The Conjuring” Universe, adding that “The Nun’s” demonic Valak is hands-down his most favorite movie monster of all.  He then proceeds to invite all horror fans to watch “The Nun II.”       […]

  • Gadon, nanumpa sa bagong posisyon sa harap ni PBBM

    OPISYAL nang nanumpa sa harap ni Pangulong Ferdinand Marcos Jr., si Presidential Adviser on Poverty Alleviation Larry Gadon, araw ng Lunes, Hulyo 10.     Kumpiyansa ang Pangulo na malaki ang maitutulong ni Gadon para tugunan ang kahirapan sa bansa.     Sa kabila ng tinanggalan ng Korte Suprema ng lisensiya bilang abogado si Gadon […]

  • Higit P53 bilyong cash loans pinautang ng Pag-IBIG noong 2022

    UMABOT sa P53 bil­yong short-term loans na tinatawag ding cash loans ang ipinautang ng Pag-IBIG Funds noong nakaraang taon.     Sa Laging Handa public briefing, inihayag ni Jack Jacinto, Department Ma­nager for Public Media Affairs ng Pag-IBIG Fund, na kabilang din sa nasabing pautang ang Multi-Purpose Loan at Calamity Loan.     Nasa 2.6 […]