• June 24, 2024
  • Ang Diyaryong Pinagkakatiwalaan

TEAM LEBRON, BINIGO ANG TEAM GIANNIS

EMOSYUNAL ang kapaligiran bilang paggunita sa namayapang si Kobe Bryant, ngunit nang magsimula ang aksiyon, punong-puno ng tikas ang bawat galaw at bawat isa ang may matinding paghahangad na magtagumpay sa ginanap na makapigil-hiningang 69th NBA All-Star Game nitong Linggo (Lunes, Manila time).

 

Dati ay malamya ang depensa sa mga All-Star game at tila tinuturing lang na exhibition game lalo na kapag fourth quarter, na napupuno na ng highlights at nababawasan ang pagiging competitive ng mga manlalaro.

 

Sa bagong format ng nasabing laro, kung sino ang lamang ay magdaRagdag ang mga official ng 24 points bilang tribute kay Bryant, at ‘yon ang magiging target score sa fourth quarter, kapag naabot na ang nasabing score ay iyon ang mananalo.

 

124 points ang score ng koponan ni LeBron James, 133 naman ang kay Giannis Antetokounmpo, ibig sabihin ay 157 points ang kailangan maabot ng dalawang rival team para manalo sa event.

 

Dahil sa bagong format ay natuwa ang mga NBA player dahil tila NBA finals ang kanilang napapanood na lahat ay seryoso sa laro.

 

Ipinasok ni Anthony Davis ang game-winning free throw upang ilista ang 157-155 pagdomina ng Team LeBron sa Team Giannis sa ginanap na makapigil-hiningang labanan.

 

Dito na tila nag-iba ang tema ng laro, na sa isang punto pa nang tabla sa 152-all ang iskor ay napareklamo ang Team LeBron sa tawag ng referee.

 

Si Los Angeles Clippers star Kawhi Leonard, na itinanghal bilang kauna-unahang Kobe Bryant All-Star MVP awardee, ang siyang bumuhat sa Team LeBron na humakot ng 30 points.

 

Mistulang nag-init din ang kamay ni Leonard makaraang magpakawala ito ng walong three-pointers, na isa na lamang ang kulang upang mapantayan ang All-Star record ni Paul George noong 2016.

 

Habang si Giannis Antetokounmpo naman ang sinandalan ng kanyang koponan makaraang tumabo ng 25 points.
Ibinigay ni LeBron James, na tumipon ng 23 points, sa Team LeBron ang 156-153 abanse ngunit nagmintis ang pinukol na 3-pointer ni Chris Paul.

 

Natapyasan pa ng Team Giannis sa isa ang puntos na kailangan nilang habulin nang maipasok ni Joel Embiid ang dalawa nitong free throws, 156-155.

 

Kinailangan ng winning team na maabot ang 157 points makaraang irehistro ng Team Giannis ang 133-124 cumulative lead sa loob ng unang tatlong quarters.

 

Ang target na final score ay dinetermina sa pamamagitan ng pagdadagdag ng 24 points sa iskor ng koponan na lamang sa loob ng naturang yugto, bilang bahagi na rin ng tribute kay Bryant.

 

Maliban dito, kapansin-pansin din ang suot na kulay blue na jerseys ng Team LeBron na No. 2 ang nakalagay na numero, samantalang No. 24 naman sa Team Giannis.

 

Sinasabing pagpupugay din ito para kay Bryant, na isinuot ang No. 24, at sa anak nitong si Gianna, na ginamit ang No. 2, na kapwa nasawi sa pagbagsak ng sinakyan nilang helicopter sa Calabasas, California nitong Enero 26.
Samantala, ito rin ang kauna-unahang All-Star Game mula noong 2013 na hindi naglaro si Warriors guard Stephen Curry, na nagpapagaling pa mula sa injury nito sa daliri.

 

Maging si Nets forward Kevin Durant, na hinirang na 2019 All-Star Game MVP, ay hindi rin nakasama sa line-up dahil sumasailalim pa ito sa rehabilitation makaraang mapunit ang Achilles tendon.

 

Nakakuha rin ng kabuuang $400,000 ang Team LeBron, na ibibigay nila sa Chicago Scholars.

Other News
  • Team Philippines sasabak sa 46 sports event sa 2022 Asiad

    Isinumite na ni Philippine Olympic Committee (POC) president Abraham “Bambol” Tolentino ang listahan ng mga sports events na lalahukan ng mga Pinoy athletes sa 2022 Asian Games sa Hangzhou, China.     Sasabak ang Team Philippines sa 46 sa kabuuang 61 sports events na inilatag para sa 2022 Asiad na nakatakda sa Setyembre 10 hanggang […]

  • P750k ibibigay ng PSC kay Yulo

    Kagaya noong 2019, muling binigyan ng Philippine Sports Commission (PSC) ng espesyal na cash incentives si 2021 World Artistic Gymnastics Championships gold medalist Caloy Yulo.     Inaprubahan kahapon ng PSC Board ang insentibong P500,000 para sa gold at P250,000 para sa silver medal na nakuha ni Yulo sa nakaraang world championships sa Kita­kyushu, Japan. […]

  • Pinupuri ng netizens sa ginawang pagdalaw: KIM, sobrang saya na muling makita si KRIS after so many years

    SOBRA saya nga ni Queen of All Media Kris Aquino nang dalawin siya ni Kim Chiu na itinuturing niyang panganay.     Makikita sa IG post ni Kris ang video ng muli nilang pagkikita ng isa sa star ng ‘Linlang’ at nominated din sa Best Actress category ng The 6th EDDYS ng SPEEd na sa […]