Teng, opensa ng Aces
- Published on March 5, 2020
- by @peoplesbalita
WALANG palya sa postseason ang Alaska Milk nitong 2019, hindi lang sila nakakatalon ng quarterfinals.
Lumagpak sa No. 8 sa Philippine Cup, sinipa agad ng No. 1 Phoenix Pulse sa quarter. No. 8 ulit sa Commissioner’s, nakauna sa TNT sa quarters pero sadsad sa pangalawang laro.
Habang umangat sa No. 7 ang Aces sa Governors Cup, nabigo sa Meralco.
Eentra ang Alaska sa unang full season sa ilalim ni coach Jeffrey Cariaso na humalili kay Alexander Compton matapos inalis pagkaraan ng midseason conference.
Pinamigay ng Aces si Chris Banchero sa season-ending conference papuntang Magnolia Hotshots, kapalitan niya sina Rob Herndon at Rodney Brondial.
Tinaboy rin si Simon Enciso sa Talk ‘N Text kapalit ni Mike Digregorio Pati si Jake Pascual na nasa Phoenix na.
Kay Vic Manuel sumentro ang atake ng mga maggagatas sa nakalipas na taon.
Samantala, nagpabata ngayong papasok na 45th Philippine Basketball Association 2020 na magbubukas sa Philippine Cup sa Linggo, Marso 8 sa Big Dome, idineklara ni Cariaso na kay Jeron Teng na iikot ang kanilang opensa.
Bukod dito, may Maverick Ahanmisi at Abu Tratter pa ang koponan ni Wilfred Steven Uytengsu, Jr.
Sa draft noong Disyembre, tinapik ng Aces sina Barkley Ebona ng Far Eastern University sa 4th pick at magkasunod sina Rey Publico ng Colegio de San Juan de Letran sa 16th, at Jaycee Marcelino ng Lyceum of the Philippines University sa 17th.
“We were busy (during offseason) making traded and additions,” dada ni governor Richard Bachmann. “We have three new rookies. Coach Jeff had been spending more time with the players and the system.”
Mabigat ang hampon kay Teng na nasa pangatlong taon niya sa liga lalo’t siya na ang prangkisang manlalaro ng team.
“Ita-try ko lang i-pass on iyong natutunan ko sa veterans. Hopefully maipasa ko sa younger guys,” komento niya.
Goodluck sa iyo bata, nawa’y mai-angat mo pa ang bandera ng Gatas sa PBA ngayong 2020.
-
FROM TRAILER TO MOVIE: DIRECTOR ELI ROTH TALKS ABOUT MAKING HIS SLASHER-HORROR MOVIE “THANKSGIVING”
FOR director Eli Roth, his journey for the Thanksgiving movie started in 2006, when his friends Quentin Tarantino and Robert Rodriguez were working on their double feature Grindhouse. To add to the double-feature experience, Tarantino asked his friends – including Roth – to create fake trailers that would appeal to the Grindhouse […]
-
NORA, humihingi ng tawad dahil maraming pagkukulang sa pumanaw na kaibigang producer/director
NAGLULUKSA ang Philippine Television industry dahil sa pagpanaw ng TV icon na si Kitchie Benedicto. Pumanaw ang producer-director na si Benedicto noong nakaraang August 4 sa edad na 74. Sa kanyang tahanan sa Pasay City pumanaw si Benedicto ayon sa kanyang son-in-law na si Negros Occidental Vice Governor Jeffrey P. Ferrer. […]
-
Bucks balik uli sa porma, Hornets pinayuko
HUMAKOT si Giannis Antetokounmpo ng 26 points at 16 rebounds para pamunuan ang nagdedepensang Bucks sa 130-106 pagsuwag sa Charlotte Hornets. Naglista si Jrue Holiday ng 21 points at 8 assists habang kumolekta si Bobby Portis ng 20 points at 10 rebounds para sa Milwaukee (38-25) na kasosyo ang Cleveland Cavaliers sa No. […]