Teves, may kondisyon pa sa pag-uwi
- Published on March 25, 2023
- by @peoplesbalita
NAGSUMITE ng ilang kundisyon ang kampo ni Negros Oriental Rep. Arnolfo Teves Jr. sa Kamara para bumalik siya ng Pilipinas.
Sinabi ni Atty. Ferdinand Topacio, legal counsel ni Teves, hindi naman mahihirap ang mga kundisyong inilatag nila kay Speaker Martin Romualdez na para lamang sa seguridad ni Teves. Tumanggi naman siyang tukuyin ang mga ito dahil sa wala umano siyang awtoridad.
Nais din ng kampo ni Teves na marinig ang paliwanag ng House of Representatives kung bakit sinuspindi siya ng 60-araw.
Ayon kay Topacio, may tatlong bagay lamang silang nais malaman kung bakit agad na nagdesisyon ang kamara sa kanilang kliyente.
Sinabi pa ni Topacio, hihintayin nila ang sagot mula sa Kongreso saka sila mag-iisip ng kanilang hakbang depende sa magiging desisyon ni Cong. Teves.
Dagdag pa ni Topacio, hiling lang ng kaniyang kliyente na maging patas ang proseso sa kinakaharap na isyu lalo na’t hindi pa naman napapatunayang guilty ang kaniyang kliyente at suspek pa lamang ito sa mga akusasyon.
Iginiit pa ni Topacio na totoong may banta ang kaniyang kliyente bago pa man mangyari ang insidente ng pagkakapatay kay Negros Oriental Gov. Roel Degamo at matagal na itong isinapubliko ni Cong. Teves. (Daris Jose)
-
Nasungkit ni Meggie Ochoa ang ikalawang ginto ng Pilipinas sa Jiu-Jitsu World Championship
Winalis ni Meggie Ochoa ang kompetisyon sa women’s adult -48 kilogram category patungo sa ginto sa 2022 JJIF Jiu-Jitsu World Championship sa United Arab Emirates noong Biyernes (oras sa Pilipinas). Nakuha ni Ochoa ang pinakamataas na premyo nang talunin si Vicky Hoang Ni Ni ng Canada sa final, 2-0. Ang 30-anyos na atleta […]
-
Ikinuwento ang pinagdaanan sa pagpapa-slim… MOIRA, inaming tulog at pusa ang ilan sa mga nagpapasaya sa kanya
TINANONG namin sina Buboy Villar, Kokoy de Santos at Mikael Daez kung ano ang pinakamaganda o memorable nilang karanasan nang nag-shoot sila ng second season ng ‘Running Man Philippines’ sa South Korea kamakailan. Lahad ni Buboy, “Actually ang magandang memory po namin doon ay yung meron kaming mga guests. Kasi hindi po namin in-expect […]
-
DBM, ipinalabas ang mahigit sa ₱8 bilyong cash allocation para sa rice farmers’ subsidy
IPINALABAS na ng Department of Budget and Management (DBM) ang notice of cash allocation na nagkakahalaga ng mahigit sa ₱8 bilyong piso para pondohan ang subsidiya para sa mga eligible na rice farmers. Sa isang kalatas, sinabi ng departamento na inaprubahan ni DBM Sec. Amenah Pangandaman, araw ng Biyernes, Hulyo 29,2022, ang pagpapalabas […]